amalinks wokungena

Breaking News

Bagudlana Okungapheliyo Emabhanga Bengesabi Ukuthelelana Umkhuhlane weCoronavirus


Badinga imali eZimbabwe ngesikhathi ilizwe lilwisana lomkhuhlane weCoronavirus COVID-19.
Badinga imali eZimbabwe ngesikhathi ilizwe lilwisana lomkhuhlane weCoronavirus COVID-19.

Indwendwe ziqhubekela phambili emabhanga emadolobheni amanengi ngesikhathi eleZimbabwe liphansi kweziqondiso zikahulumende zokuhlalisa uzulu ezindlini kusenzelwa ukulwisana lomkhuhlane weCoronavirus COVID-19.

Abantu babuthana okokuthi kabasalandeli umthetho wokungagudlani labanye oweSocial Distancing ngenxa yokuxokozela kundwendwe lezi nxa bedinga imali.

Lokhu kungemva kokuba uhulumende evumele amabhanga ukuba avule okwensuku ezintathu ngeviki.

Uzulu koBulawayo uthi kumele indawo ezinikeza imali zibe zinengi ukuze bengahlali isikhathi eside bedinga imali ngoba kuyingozi ukuthi abantu batshone beseduzane laduzane kangako okungabangela ukuthelelana lula komkhuhlane weCOVID-19.

Umongikazi, uNkosikazi Gugulethu Nyoni, uthi kunzima kakhulu ukudinga imali emabhanga. “Mina ibank yami iNBS ibivulile. Ngivukele khona ekuseni ukuze ngithole inombolo yokuthatha imali. Incwadi yami yomsebenzi yiyo engincedileyo ukuthi ngidlule kuma roadblocks. Ngifike ngaphiwa inumber kodwa imali ngize ngayithola ngabo 12 emini. Ngiphiwe i$100 kuphela. Kunzima ukuthi uthole icash these days kodwa ezinye izinto esizithenga phandle bafuna icash kuphela. Isinkwa singcono nxa uthenga nge cash. Lanxa ungaze uncenge nge Ecocash abavumi abathengisayo so vele si-forced ukuthi siyidinge icash phansi phezulu kodwa vele itholakala nzima. So, kuzamele uvukele ebhanga ngapha ebank uphiwa $300 kuphela ngeviki.”

Omunye wezakhamuzi zakoBulawayo, uNkosikazi Alice Bhebhe, uthi uhambe amalombolombo ukuze afike edolobheni edinga imali.

UNkosazana Kelly Mthethwa, othunyezelwe imali yisihobo esihlale kwele South Africa, uthi abantu abalandaba lokugudlana nxa bedinga imali emabhanga.”

ukuba behlukane uma bekundwendwe zemali.

Ingcwethi zempilakahle zithi lanxa uhulumende enze kuhle ukuvumela abamabhanga ukuvula insuku ezintathu, leli nyathelo lilakho ukudala umonakalo nxa engasathathanga amanye amanyathelo okuvimba ukuminyezelana lokuma kundwendwe zokudinga imali okwesikhathi eside.

XS
SM
MD
LG