amalinks wokungena

Breaking News

Bahlalela Evalweni Abongi beZimbabwe Abasebenza Ezibhedlela zeBhilithane Besesaba iCoronavirus


Izizalwane zeZimbabwe ezihlala kwele Bhilithane ezisebenza ezibhedlela zithi sezidlela evalweni ngenxa yokwesaba ukuthelelwa umkhuhlane weCoronavirus osumemetheke umhlaba wonke jikelele ubulala abantu.

Umsebenzi wabongi ngowokunakekela izigulane, kukanti labo basengozini yokuba lemikhuhlane ethelelwanayo enjenge Coronavirus osubulele abantu phose abafika inkulungwane ezintathu.

UNkosazana Hlengiwe Sibanda ngumongikazi kwesinye isibhedlela seManchester

"Lapha sokuyikuthembela kuNkulunkulu ukuthi umuntu angathathi umkhuhlane lo we Coronavirus. Ngiyazi ukuthi usugcwele indawo yonke kodwa isibhedlela mina lapho engisebenza khona kulamanyathelo esesiwathethe athize ukuthi sizivikele. Siyenza shuwa ukuthi izigulane ezibuyayo siqala sizihlolisise singajazihlanganisi lezinye izigulane ezisesibhedlela. Abantu ababe careful kuphela akulanto esingayenza, ngeke sime ukusebenza ngenxa yaleyo Coronavirus"

UNkosazana Sanelisiwe Mabengwane, osebenzela Bury, uthi usebenza nzima kulez’insuku.

"Umkhuhlane weCoronavirus usumemetheke wangena laseUK okuyinto engethusayo mina njengonurse. Sokumele ngizinanzelele emsebenzini wami ngoba ungeke wazi isigulane esibuyayo ukuthi asilawo lumkhuhlane. Thina esisebenza ezibhedlela yithi esikurisk enkulu but ukuhlanzeka yinto eqakathekileyo ukuthi umuntu angathathi ama germs athwala imkhuhlane efana leCoronavirus. I'm really worried"

Inengi labantu lithi lesaba ukuthi kuzathiwa wonke umuntu ahlale ezindlini zabo angaphumeli phandle. UNkosazana Siphiwe Mlala uthi sokumele athenge ukudla agcwalise endlini.

"Sikhathazekile kakhulu ngendaba zeCoronavirus kodwa njengomuntu osebenza labantu so siyesaba sibili ukuthi yeyi umuntu engathatha icoronavirus kuzahamba njani. Ngendlela namuhla esizwe ngayo ku news ukuthi engxenye leCity le yeLondon lathi khonapha eUK kuzaba le lockdown njenge Italy. Mina vele besengilungiselela ukuthi ngidingukudla like ama non perishables siyesaba sibili"

Umkhuhlane we Coronavirus uqhamuke kwele China lapho osubulele abantu abanengi kakhulu. UDokotela Earnest Mkhwebu uthi iCoronavirus asomkhuhlane omutsha.

"Corona Virus is not a new virus, avele ayatholakala amaCorona virus but esikhathini esinengi sitholukuthi amaCorona virus atholakala enyamazaneni. 2002 sasilayo iSAZ sasiyazi ivela kumaBirds. Corona virus entsha iCorana Virus 19 njengoba yadiscover ngo2019 ekupheleni komnyaka, kukhanya yavela enyokeni hanti sonke siyakwazi ukuthi abantu beChina bale eChina kumaMarket ziyatholaka inyoka ezibangela umkhuhlane lo esikhangelane lawo okwakhathesi."

Inengi labantu lifuna ukwazi izibonakaliso zalumkhuhlane ngoba abantu ababulawa ngumvimbano abasazi ukuthi luphepha lwansukuzonke kumbe yicoronavirus. UDokotela Mkhwebu.

"Esithi ngama symptoms nxa sugula umkhuhlane lowo eweCoronavirus kuyabe kunjengeFlue nje, uyabe ukhwehlela, sungakwanisi ukuphefumula kuhle, kwesinye isikhathi ubeleTemperature leFever. Singama dokotela sinje kubanzima ukuthi sibekwazi ukuthi leyi yiInfluenza kumbe yiCoronavirus kumbe yikuphi, but kulama tests ayenziwayo khathesi nxa kuyikuthi uzizwa ungani kawuzwa kuhle uyabuya or maybe uhambe uyebona odokotela siyenza amatests."

Igcikwane leCorona alelapheki kodwa kulemithi yokuthi lingehluli amasotsha omzimba okungenza Iicine liziphelela emzimbeni njengeflu umuntu asile. UDokotela Mkhwebu uthi kunengi okungenziwa ngabantu ukwenzela ukungamemethekisi igcikwane leCoronavirus.

"Kuyabe kumele nxa ukhwehlela uvale umlomo, uvale amakhala ukwenzela ukuthi ungafaki igcikwane leli emoyeni ukuthi abanye abantu bakwanise ukuthi bebaphefumule. Nxa kuyikuthi unga, you know, ungabamba amakhala ubambe isikhwehlela or kuyabe kumele ukuthi ugeze izandla. Esikhathini esinengi siyabe sisithi kuyabe kumele usebenzise esithi yiAlcohol Wipe but nxa kuyikuthi akutholakali you know, siyakwanisa ukuthi sisebenzise amanzi lesepa nje ukwenzela ukuthi you know, sikwanise ukuthi sibulale igcikwane leli."

Umkhuhlane weCoronavirus usumemetheke wangena amazwe wonke, kuzwekazi leEurope. Usumemetheka kwele Italy lapho osubulele abantu abangamatshumi amahlanu lambili - 52 njalo abalegcikwane lawo kwele Bhilithane ngabantu abake bethekelela kwelamataliyana. Banengi abantu abalomkhuhlane lo kwele South Korea lakwanye amazwe.

please wait

No media source currently available

0:00 0:04:33 0:00

Facebook Forum

XS
SM
MD
LG