amalinks wokungena

Breaking News

Ezemaphandleni: Bakhala Ngokuswela Amandla Kagetsi Endaweni Yamavinkili eyeSezhube


Ezitolo zeSezhube eGwanda

Indawo yamavinkili eyeSezhube zisungulwe ngomnyaka ka1969 kodwa kuze kube lalamhlanje akulamagetsi, osekudale ukuthi osomabhizimusi kulindawo bengathuthuki.

Bakhala ngamandla kagetsi emavinkilini awe Sezhube
Bakhala ngamandla kagetsi emavinkilini awe Sezhube

Inengi kulindawo lisebenzisa amagenerator okudala ukuthi babele ndleko zokuthenga amafutha okudumisa limitshina.

UMnu. Herbert Ndlovu yisakhamuzi seSezhube njalo uthi sesiside isikhathi bengela magetsi.

"Ibhizinesi le ibunjwe kudala kakhulu beku seseyiRhodesia, iRhodesia iphele ngo1980 lalamhlanje lokhu lapha singela magetsi.Siyacela lathi ukuthi nga ihulumende kumbe ini isiphathise isinikeze amagetsi ukuze lathi sivuleke phela sizuze imisebenzi, kunengi esifisa ukukwenza la but sehluleka ngenxa yokuthi akulamagetsi."

Emavinkilini awe Sezhube
Emavinkilini awe Sezhube

USomabhizimusi uMnu. Lungile Ndlovu othengisa inyama uthi bacina beyilahla ngoba sibolele njalo uthi inkokheli zombusazwe zihlezi zibathembisa ize.

"Mina ngirunner ibutcher Okwami ngokwezandla leBottle Store, amagetsi sesithwele nzima sisebenzisa igas utshwala sibuthengisa butshisa amadrinks ayathsisa inyama yethu iyabe iright sibili but icine ibolile sicine siyilahla so siyalimala kakhulu kuleyondawo njengakathesi kuyatshisa inyama iyabola.Inkokheli ziyakwazi ngoba lama sikhuluma ma besivakatshele bafika bekhuluma ngakho basithembise kodwa ababuyi back."

UNkosazana Sukoluhle Sibanda othengisa utshwala uthi balahlekelwa yibhizimusi ngenxa yokuswelakala kwamagetsi lokhu.

"Uhlupho esilalo ngolwamagetsi abantu amacustomers ethu ayanatha utshwala okunje ngamabeer so ayabe engaqandi so besicela uncedo olungasinceda ngamagetsi ukuthi lathi ibhizinesi lethu lihambe."

Esinye isakhamuzi uMnu. Collin Mathema uthi amathuba omsebenzi alakho ukuvuleka nxa kuthe kwaba lamagetsi kulindawo.

"ESezhube Business Centre akula magetsi, abantwabethu bayafuna ukuwelder bayafuna ukwenza imisebenzi yokuthunga kodwa ngokuswelakala kwamagetsi akulanto engenzakala ukuthi sincedakala kuhulumende lathi abantwabethu baphathiseke kuswelakala ukuthi nga sizuza amagetsi."

UMnu Thabani Ncube uyethesa uhulumende umlandu wokungathuthukisi indawo yeSezhube.

"UHulumende kumbe kayiboni kube kayikho kumap kuhle kumbe ayiyazakali yini ngoba yona ngokwayo sibili ngokwakhiwa kwayo kumele ukuthi indawo le yitownship ngoba ileminyaka mina ngingakazalwa ibivele ikhona.Mina kathesi ngile 44 years so ngathi ngivele ngizalwa ngayithola ikhona indawo le so but lokhu inje kusentuthwini akulamagetsi."

Ngaphandle kodubo lwamagetsi abezitolo bahamba umango omude besiyadinga amanzi njalo bathi kuyadingeka ukuthi kufakwe isikotsho ezitolo ukuze amanzi atholakale lula.

please wait

No media source currently available

0:00 0:03:13 0:00

Facebook Forum

XS
SM
MD
LG