amalinks wokungena

Breaking News

Bakhala Ngokungahleleki Kwemihloliso Yalonyaka eZimbabwe


Zimsec

lzikolo lokhe zavulwayo inengi labazali belilokhu likhonona ngokuthi uhulumende ube engalungeselelanga ngemfanelo ukuvulwa kwazo lokuvikela abantwana lababalisi ukuthelelwa iCovid 19.

Umnginisihlalo wenhlanganiso yeAlgamated Rural Teachers Union – (ARTUZ) esabelweni seMatabeleland North umnumzana Thembakuye Moyo usola ukuhlelwa okwenziwe ukubhalwa kwalimihloliso.

“Thina njenge Union sesikhangele izinto zeCovid lokumiswa kwayo imihloliso, sikhangele I General paper ibilomfanekiso owodwa a practical subject lawo ibile question eyi one ele diagram khonokhuyana kuyasikhangelisa sibone ukuthi iZimsec yona ngokwayo vele ibingalungiselelanga izinto zokubhala ama exams. Nxa ipaper elinjeyana ele agriculture I practical subject libe le diagram eyione kuyatshengisela ukuthi akudlulanga I process enengi yokuthi sekusethiwe ama exams amoderate akhangelwe zonke izinto ukuthi alungile ukuthi abenjalo. I Scanner sheet seprimary amacandidate numbers izinto leziyana zibuya sezilungisiwe umtwana okwakhe sekuyikushader aminyanisiwe wonke awakho emabhokisini khonokhuyana kuyasitshengisa ukuthi iZimsec was not ready. Umbuzo osusibamkhulu ngowokuthi ngawani ama exams singekho ready kanti yindaba engamiswanga kwakhangelwa kuhle thina njengeARTUZ sithi ngumdlalo lo nxa sikhuluma ngama exams.”

Unkosikazi Melissa Ndlovu ongumzali olomtwana obhalayo imihloliso lonyaka uthi akaboni ukuthi bekuvele kujahwani.

Nxa sikhangela kusukela ekuqaleni uHulumende kazange asinike iskhathi njengabazali kusukela ku regestration kahle kwakhanya ukuthi izinto azihambi kuhle. Khathesi kubuhlungu ngoba abazange banika iskhathi ukuthi kulungiselelwe kuhle ngezinye indlela sibona sibanjwe inkunzi yonke indawo ebantwaneni lemalini imali bakhweza ngapha baletha izinto zingakwananga ikanti nga balalela izikhalazo zethu zokuthi ukugijima ayisikho kufika bebezabhala umnyaka ozayo abantwana konke sokulungisisiwe.”

Omunye njalo umzali umnumzana Melusi Ncube ugcizelela kulokhu.

“Siphatheke kabi ngesikolo maqondana leZimsec ngoba nxa sikhangela bantwana babuya becomplainer ukuthi amapaper abawaphiwayo ayabe eshotile engaprintwanga kahle. Uhulumende engajahi ekhangelisise kakhulu kulokhu ngoba yifuture yabo.”

Omunye wabafundi ababhalayo uDalubuhle Moyo uthi laloba kunzima abafisi ukuthi babuyele bayehlala emakhaya.

“Kunzima sibili ukuthi siqhubeke ngemhloliso yethu ngoba amaphepha abuyayo abuya eshota eyinye I material njenga a graph paper lezinye izinto ezidingakalayo kuma exam sesithwala nzima ukubana siqede ngoba okunye akusathengeki singena ku exam sicabanga ukuthi izinto sizazithola zikhona, asazi ukuthi sizaphumelela emhlilisweni kumbe sizafeyila sithembela ukuthi siphumelele ngoba kubuhlungu ukuthi after umnyaka wonke lowu sihlezi nge Covid siphinde sifeyile.”

Umnumzana Taungana Ndoro oyisikhulumeli sohlangothi olubona ngokubhalwa kwemihloliso, olweZIMSEC, wenqabe ukuphendula imbuzo ethi usemhlanganweni kodwa unkosikazi Tumisang Thabela unobhala jikelele wogatsha lwezemfundo, utshele iphephandaba leNewsday ukuthi bebengakatholi izikhalazo ezivela ezikolo ngalezi nhlupho zokusilela kwamaphepha emihloliso lokunye ngakho khona bezakwenza uphenyo lwalokhu.

please wait

No media source currently available

0:00 0:03:28 0:00

Facebook Forum

XS
SM
MD
LG