amalinks wokungena

Breaking News

POVO: Sidaniswa Ngabesifazana Abangafuni Ukungena Kukhetho eZimbabwe


Abafisa ukuncintisa kukhetho lwalonyaka kuhlangothi lwamakhansila njengamalunga azimeleyo ngaphansi komanyano wePeople’s Own Voice (POVO) bathi badaniswa yikuthi balutshwana kakhulu abesifazane abaveze isifiso sokuncintisa kulolukhetho lanxa kuyibo ababhekana lobunzima obuphindiweyo lapho omanisipala besehluleka ukuqhuba umsebenzi wokubatholisa indingeko zabo emadolobheni lezabelweni.

Inengi lamalunga afuna ukuncintisa bengaphansi komanyano wePOVO bathi bekungaba kuhle ngabe abesifazane basukumela phezulu ukuze bancintise kukhetho oluzayo bangene kuma khansili ukuze balungise konke okubahluphayo.

UNkosikazi Duduzile Nyirongo, ofisa ukuncintisa kuWard 7 emzini weAvondale, ngomunye wabatshengise lokhu kukhathazeka.

“Indaba yokuthi abanye abantu bayabe besalelwa ngamadoda abo ukuthi bengene ezintweni lezi zombusazwe. Okunye yikuthi abafazi bahle bebona okwenzakalayo kubafazi abakhona ku-politics ukuthi abafazi bahle befakwa eceleni abaphakanyiswa kakhulu so babesebesithi kungcono ngizigcinele imuli yami, ngizigcinele abantwana bami ngoba ngiyabe ngisenzela iviolence, ngiyabe ngisenzela izinto ezinengi. Kusaselomsebenzi wokuthi sibakhuthaze abesifazane ukuthi bebuye ngoba abafazi bakhona bebengafuni ukubuya.”

Lokhu kusekelwe nguMnu. Misheck Zhuwao wase Tafara ofuna ukuncintisa kukhetho emele uWard 20 emzini lo lapho akhulela khona.

UZhuwawo uthi okudanisayo yikubona izalukazi emzini ahlala kiwo zihlutshwa yikukha amanzi.

“Akulamanzi aphumayo abantu bathatha amanzi abo ezibhoraneni, abantu baphila nzima so yikho ngithi ngcono abantu be Tafara bangivotele ngoba ngifuna ukuthi ngibancedise ukuqeda uhlupho lwamanzi lokunye.”

Abazoncintisa kukhetho lwama khansila laba bathi kuqakathekile ukuba abesifazana baphatheke labo kunhlelo zelizwe okubalisa ulokuqhutshwa kokhetho nxa befuna kubelenguquko elizweni.

Udaba Esilethulelwe NguMavis Gama
please wait

No media source currently available

0:00 0:04:07 0:00

Facebook Forum

XS
SM
MD
LG