WASHINGTON —
Abahlali bedololobheni lakoBulawayo bathi impilo isilukhuni ngamandla kulandela ukwengezelelwa kwamahola lapho abavalelwa khona amanzi okwenziwe ngumanisipala walelidolobho kuyonale impelaviki esisanda ukuyigqiba, ngenxa yokusilela kwawo.
Umanisipala uthi usalungisa ukumpontshwa kwamanzi asuka emadamu e Umzingwane le Inyankuni, esiya lapho ahlanzwa khona e Criterion Raw Water Reservoir, lapho asemalutshwane kakhulu okubangela loluhlupho.
Amanzi abevalwa okwamahola angamatshumi ayisikhombisa lambili 72 hours, njalo kukhangelelwe ukuthi avalwe angamatshumi amane lasitshiyagalombili I 48 hours kusukela namuhla.
Ukhansila Rodney Jele weNkulumane uthi basachasisela izikhamizi ngaloluhlupho, lona athi lungalunga kuyonale iviki.
