amalinks wokungena

Breaking News

Abathenga Bethengisa Impahla Bafuna Ukusebenzisa Isilindo Samabhasi Esilodumo koBulawayo


Abathenga bethengisa impahla duzane leGodini koBulawayo
Abathenga bethengisa impahla duzane leGodini koBulawayo

Abaphila ngokuthenga lokuthengisa bako Bulawayo bakhala ngokuphuza kokuqhutshwa komsebenzi wokwakhiwa kwendawo yesilindo samabhasi lamavinkili eyeGodini Mall.

Bakhala njalo ngokuqonga kwenhlawulo zencwadi ezibavumela ukuthi bathengise ngokusemthethweni ezamalicence.

UMnu. Mike Ndiweni, umqondisi wenhlanganiso yeBulawayo Vendors and Traders’ Association, uthi abantu abalandawo esuthisayo ukuthi basebenze.

“IBulawayo City Council icine ukunika abantu amabays ngo2016 and amabays akhona ngadwetshwe phansi kawalungelanga kahle ukuthi kusetshezwe ngoba nxa izulu lisina lanxa kutshisa loba kugodola abantu kubasebenzisa nzima. So far ikhwenzile futhi njalo ngemva kokuvalwa Egodini Mall lapho eyenze into efanayo abantu abakhelwanga indawo ezifaneleyo zokusebenzela kodwa badwetshwe nje phansi ukuthi basebenze so thina asisuthiseki ngalokho okwenzakalayo.”

Bathwele amagabha avuzayo abathenga bethengisa impahla etshiyeneyo Egodini.
Bathwele amagabha avuzayo abathenga bethengisa impahla etshiyeneyo Egodini.

UMnu. John Moyo, omunye wabaphila ngokuthengisa impahla etshiyeneyo, uthi impilo isinzima ngemva kokumiswa ukusebenzela Egodini ngokusungulwa umsebenzi wokwakha iMall.

UMnu. Shepard Shoko yena ukhala ngokuthi abakuthengisayo okunye ikhansili ayila zincwadi ezikuvumela ukuthi kuthengiwse emgwaqweni.

Omunye njalo wabethengisa impahla, uMnu. Sean Zhou, uthi kulez’insuku ikhansili ibadedele, mhlawumbe bayananzelela ukuthi abantu baphila nzima.

“Siyabonga ikhansili yakoBulawayo, these days singathi amalanga wonalawo bayabona isituation yabantu. So, ukuhlupha abantu kukalutshwane koBulawayo …”

Imibuzo ethunyelwe inkampani elomsebenzi wokwakha Egodini Mall, eyeTerracota, ilokhe ingaphendulwanga. Imizamo yokuxhumana lomansipala wakoBulawayo yehlule bethi imbuzo izaphendulwa ngolunye usuku.

Bayakhala Abantu Abathengisa Impahle Phandle Kwesilindo Samabhasi Egodini
please wait

No media source currently available

0:00 0:03:28 0:00

XS
SM
MD
LG