WASHINGTON DC —
Kulabantu abalitshumi lanhlanu ababanjwe umkhuhlane weCovid-19 eZimbabwe izolo labahlanu abafunyanwe sebepholile.
Inani lasebebanjwe umkhuhlane lo selokhu waqhamukayo kuleli selisedlula inkulungwane ezedlula eziyisitshiyangalombili, 8036, kuthi asebepholile bonke sebezinkulungwane ezedlula eziyizikhombisa lamakhulu ayisithupha, 7632.
Lokhu kutsho ukuthi abantu abalokhe begula balikhulu elilamatshumi ayisikhombisa lane, 174.
Asebefile bona balokhu bengamakhulu amabili alamatshumi amathathu, 230.
Isibhedlela seJohns Hopkins University sithi emhlabeni jikelele umkhuhlane lo usuhlasele abantu abayizigidi ezingamatshumi phose amane, 38 million, njalo wabulala abedlula isigidi esisodwa, 1,083,597.