amalinks wokungena

Breaking News

Balutshwana Abayabhalisa Kugwalo Lokuvota Oluzasetshenziswa Kukhetho Oluzayo


Ukhetho
Ukhetho

Ugatsha lwezokhetho luthi sokulabantu abafika phose isigidi esisodwa - one million –asebebhalise amagama abo kugwalo lokuvota oluzasetshenziswa kukhetho oluzakwenziwa ngomnyaka ozayo.

Inani leli ngelabantu ababhalise kusukela ngesikhathi kusungulwa uhlelo lwe Biometric Voter Registration mhlaka 15 ngoMpandula.

Kukhangelelwe ukuthi kubhaliswe amagama abantu abangafika izigidi eziyisikhombisa – 7 million – kungakagqitshwa uhlelo lolu ngoZibandlela ngomnyaka ozayo.

Lokhu kukhomba ukuba kuzakubanzima ukuthi iZimbabwe Electoral Commission (ZEC) ifinyelele ukubhalisa abantu abaleminyaka edlula itshumi lasitshiyangalombili ngesikhathi esibekwe nguMongameli Robert Mugabe sokubhalisa amagama kugwalo lokuvota.

Isigaba seMashonaland East yiso esesibhalise abantu abanengi asebedlula inkulungwane ezingamakhulu alitshumi - 111 881 - kuthi isigaba seMatabeleland North yiso esesilobise amagama abantu abalutshwana asebefika inkulungwane ezingamatshumi amabili - 25,795.

Uhlelo lokubhalisa amagama abantu kuluhlu lokuvota solufike phakathi laphakathi loba nje ugatsha lwezokhetho, olwe Zimbabwe Electoral Commission, solulamagagama abantu abafika phose isigidi esisodwa - 800,000 - kuphela.

Abantu bamadolanzima ekubhaliseni lokhu ngezizatho ezimbalwa.

Ukuhlaziya loludaba sixoxe lomsekeli wesikhulumeli sebandla le MDC-T, uNkosazana Thabitha Khumalo, lengcwethi ecubungula ezombusazwe, uMnu. Max Mkandla.

please wait

No media source currently available

0:00 0:05:21 0:00



XS
SM
MD
LG