amalinks wokungena

Breaking News

Bamtshaye Ngenduku Zakhe uThokozani Khupe, Kutsho Abebandla likaChamisa


Nkosazana Thokozani Khupe

Abadala bathi akuqili lazikhotha emhlane, babuye njalo bathi hamba juba bazokucutha phambili.

La ngamazwi asemilonyeni yamalunga ebandla likaMnu Nelson Chamisa eleCitizens Coalition for Change (CCC) kulandela ukuxotshwa kukaNkosazana Thokozani Khupe ephalamende izolo.

UMaKhupe uxotshiswe ngumkhokheli weMDC-T uMnu Douglas Mwonzora ndawonye loNkosazana Nomvula Mguni esithi abasengamalunga ebandla lakhe.

Okwenza abeCCC bathi uMaKhupe bamtshaye ngenduku zakhe yikuthi waxotshisa amalunga ebandla labo amanengi kakhulu ephalamende lakumakhansili lisabizwa ngokuthi yiMDC Alliance.

Umsekeli wesikhulumeli sebandla likaChamisa uMnu Felix Magalela Mafa Sibanda utshele iStudio 7 ukuhti kungekudala, uMwonzora laye uzatshelwa ngamanzi ngoba engasoze avotelwe kukhetho.

please wait

No media source currently available

0:00 0:02:59 0:00

UMaKhupe yena utshele intathelizindaba izolo ukuthi uyakusola ukuxotshiswa kwakhe ephalamende. Uchothoze njalo usomlomo wedale lephalamende esithi uthethe icele likaMwonzora.

Wengeze wathi uxotshiwe nje ngoba engumuntu wesifazana. Kodwa isikhulumeli seMDC-T kaMwonzora uMnu Witness Dube uthe uMaKhupe uzokhele amalahle ekhanda ngokwephula imilayo yebandla.

Facebook Forum

XS
SM
MD
LG