amalinks wokungena

Breaking News

Ronald Gidiza: Bangalahlelwa Khatshana Abadlali Benguqu Asebekhulile


Abadlali bomdlalo wenguqu asebathatha umhlala phansi bahlangane enkundleni ye Luveve esedolobheni lako Bulawayo ensukwini ezedluleyo lapho okudibane khona iqembu ebelibunjwa ngabadlali abaphuma edolobheni lako Bulawayo kanye lelinye ebelibunjwa ngabadlali abakade bevela esigodlweni iHarare.
Inhlanganiso ye Footballers Union of Zimbabwe yiyo ebiqoqe lumdlalo njengendlela eyokukhuthaza ukuba abadlali asebathatha umhlalaphansi bemanyane ukuze benelise ukuba bephathisane lapho nxa sebethe babhekana lenkinga abahlangana lazo empilweni.
Owayengumdlali weqembu lesizwe owadlalela njalo amaqembu abalisa ele Zimbabwe Saints, AmaZulu kanye le Dynamos uRonald Gidiza Sibanda utshele intathelizindaba ekupheleni komdlalo ukuba isifiso sabo ngesokuba baphathise ekulolongeni abadlali abasakhulayo ukuze babe ngabadlali abalohlonzi.
Ngithabile kakhulu ngoba ngibonane labantu engabacina kudala, oGilbert, ubonile ukuthi lokhe beqine kanjani? Aluba siyabathatha baphathise abaqeqetshi bamaqembu amela ilizwe njengoba sithwala nzima ukuhlohla. Eqinisweni ngingakutshela into eyanzakale lapha uzamangala. Ngithe ngiphuma lapha ngalandwa ngabafana abadlalela iqembu lika Biya (Thulani Ncube) bathi mqeqetshi sifundile. Lokhu kutshengisela ukuthi kukhona engikwenzileyo abakufundileyo yikho ke ngingathola isikhathi ngizake ngibavakatshele lapho abazilolonga bekhona ngibancedise lapho engenelisa khona ngoba ngokwenza njalo ngizabe ngincedisa abantwabethu njalo ngidlala eyami indima ekutheni sibe labadlali bomdlalo wenguqu abangcono kusasa.
Umongameli wenhlanganiso ye FUZ uDesmond Maringwa ukhuthaze inkokheli zamaqembu ukuba ziqhatshe abadlali asebathatha umhlala phansi esithi minengi imisebenzi abangayenza engasiyo eyokuqeqetsha.
Abanye abadlali abaphatheke kulumdlalo oqhutshwe ngempelaviki edluleyo ngababalisa uTirivairi Sithole, uDominic Sithole, uPhilip Jambaya, uGolding Dube, uDazzy Kapenya, uBruce Tshuma, uJoel Luphahla, uHerbert Dick, uGift Lunga Junior, uSiza Dube, uSizabantu Khoza, uChipo Tsodzo, uEphraim Mazarura, uPhilip Sithole, uJustice Majabvi, uBrighton Tuwaya, uGilbert Mushangazhike, uAshley Rambanepasi kanye lo David Sengu.
Kukhangelelwe ukuba ekuqaleni komnyaka ozayo iqembu lako Bulawayo kube yilo elivakatshela esigodlweni.

please wait

No media source currently available

0:00 0:02:05 0:00

Facebook Forum

XS
SM
MD
LG