amalinks wokungena

Breaking News

Bangamatshumi Amabili Ababanjwe iCovid-19 eZimbabwe Izolo


Coronavirus, Zimbabwe

Ugatsha lwezempilakahle luthi kulabantu abangamatshumi amabili ababanjwe umkhuhlane weCovid-19 eZimbabwe izolo.

Kulabangamatshumi phose amathathu, 29, njalo abafunyanwe sebesindile.

Abantu asebebanjwe lumkhuhlane kuleli selokhu waqhamukayo sebesedlula inkulungwane eziyisitshiyangalombili, 8075, kuthi asebepholile bonke sebezinkulungwane eziyisikhombisa ezilamakhulu edlula ayisithupha, 7669.

Lokhu kutsho ukuthi abantu abalokhu bephethwe ngumkhuhlane lo balikhulu elilamatshumi ayisikhombisa lanhlanu, 175.

Lanxa umkhuhlane lo ukhanya usehla eZimbabwe lakwamanye amazwe asezwekazi leAfrica agoqela eleSouth Africa, emazweni angentshonalanga afana leMelika leBhilitani uyamemetheka.

Olwela amalungelo oluntu uMnu Mbuso Fuzwayo utshele iStudio 7 ukuthi abantu kumele bananzelele ngoba umkhuhlane lo ulakho ukusabalala njalo yiloba nini.

please wait

No media source currently available

0:00 0:02:01 0:00

Isibhedlela seJohns Hopkins University sithi emhlabeni jikelele umkhuhlane weCovid-19 usuhlasele abantu abayizigidi phose ezingamatshumi amane, 38,851,358 njalo wabulala abedlula isigidi esisodwa, 1,097,278.

Facebook Forum

XS
SM
MD
LG