amalinks wokungena

Breaking News

Bangu-241 Ababanjwe iCovid-19 ngoLwesibili, Kubhubhe Ababili


Coronavirus, Zimbabwe

Kubhubhe abantu ababili ngeCovid-19 eZimbabwe ngoLwesibili njalo kwatholakala abedlula amakhulu amabili, 241, belomkhuhlane lo.

Lokhu kukhuphule inani lasebefile laya kunkulungwane elamakhulu edlula ayisithupha, 1,637.

Asebefunyenwe belawo bonke kusukela nyakenye sebesedlula inkulungwane ezingamatshumi amane, 40,318.

Ukuqansa kwenani lababanjwa lumkhuhlane kuza ngesikhathi uhulumende eseqinise iziqondiso zokuwenqabela.

Ugatsha lwezempilakahle luthi umkhuhlane lo usubhahe kakhulu endaweni ezifana leKwekwe, eKariba, laseKaroi, zona ezivaliweyoi sikhuluma nje.

Ezinye zibalisa iMhangura, iChiredzi, Mt Darwin kanye lamalokitshi akoBulawayo afana leNkulumane, iEmakhandeni kanye leminye imizi engenyakatho kwalelidolobho.

Izolo kuhlatshwe abantu abangu1,162 ijekiseni yakuqala yokwenqabela lumkhuhlane, okukhweze inani lasebeyihlatshiwe laya ku694,730.

Abahlatshwe eyesibili njalo ingeyokucina bangu4,113. Asebehlatshwe eyesibili le bonke bakhwele baya ku418,748.

Facebook Forum

XS
SM
MD
LG