WASHINGTON DC —
Ugatsha lwezempilakahle luthi bazinkulungwane phose ezinhlanu, 4,872, ababanjwe iCovid-19 eZimbabwe ngoMvulo. Luthi njalo kubhubhe ababili abakoBulawayo.
Inani labaphethwe yilumkhuhlane khathesi likhwele lisuka kunkulungwane ezingamatshumi amathathu lambili, 32,626, laya kunkulungwane phose ezingamathumi amane, 37,321.
Asebebhubhile sebezinkulungwane ezine ezilamakhulu edlula ayisikhombisa, 4,740.
Abahlatshwe ijekiseni yakuqala yokwenqabela lumkhuhlane izolo bedlula inkulungwane ezilitshumi, 10,909. Abahlatshwe eyesibili bedlula kancane inkulungwane ezilitshumi lanye, 11,398.