amalinks wokungena

Breaking News

Basungula Uhlelo Lokwabelana Amacebo Omama BakwaMthwakazi LabakwaZulu eGoli


Umanyano wamanina akoMthwakazi lawaKwazulu eSouth Africa

Abesifazana baseZimbabwe asebehlala kweleSouth Africa abadabuka ezabelweni zeMandebeleni bamanyane labadabuka Kwazulu eNatali besungula uhlelo lokwabelana ulwazi ngamasiko lamakhono emisebenzi yezandla.

Bekungabizwa ozwayo eMidrand eGoli kweleSouth Africa ngelanga labomama ngoMvulo amanina adabuka kwaMthwakazi labosowabo abavela KwaZulu, besina, becula lokufundisana.

Umanyano wamanina akoMthwakazi lawaKwazulu eSouth Africa
Umanyano wamanina akoMthwakazi lawaKwazulu eSouth Africa

Lolu bekuluhlelo olusungulwe yinkosi uBulelani Lobhengula kaMzilikazi ngenhloso yokuthi omama baKwaMthwakazi labakwaZulu baqale ukufundisana ngakho konke okudingekayo ukwakha izizwe zabo zombili.

Emazwini ayo ewathumele abebebuthene kulo umbuthano, inkosi uBulelani Lobhengula kaMzilikazi uthe baqakatheke kakhulu omama ekwakheni isizwe sikaMthwakazi.

“Mahlabezulu amahle please allow me to start by confessing that it is one thing to chant ukuthi umfazi yimbokodo and it is another to actually see umfazi oyimbokodo in action. When I hear the phrase wathinta umfazi wathinta imbokodo I’m reminded of my great grandmother who stood up for her national in times of strife and trouble. Sithi Halala zimbokodo. Halala African women. Halala Mthwakazi omuhle.”

Phansi kwaloluhlelo abesifazana laba bazafundisana ukukhulisa amantombazana ngendlela efaneleyo kugoqela lokukhuthazwa kwabo ukuthi bakhule bezintombi ezigcweleyo kanye lohlelo lokuhlolwa kwabo okulokhu kusenziwa KwaZulu.

Qede lapho bazafundisana imisebenzi yezandla kanye lokugavelana amacebo ngendlela zokuphila ngalesi sikhathi seCovid-19.

Unkosikazi Gugu Shezi, okhulumela inhlanganiso yeMbumba, okuyinhlangano eqhuba umsebenzi wokuhlolwa kwamantombazana, uthi ukwabelana ulwazi kuqakathekile kakhulu kuzizwe zombili.

“Isifiso sami lokhu ukuhlangana kwethu njengoba kuqalile yikuthi kungaqhubeka njengoba singama Africanje. Sitshelane ngolwazi njengobanje sikhuliswa ngoba abantu abadala kakhulu ogogo abasekho abazasitshela ukuthi kwakwenzakalani, sekufuneka thina njengoba umAfrica akabhali phansi.”

Umgcinisihlalo wenhlanganiso yeZim Imbokodo unkosazana Victress Mathuthu uthi ekuhlanganeni kwabo kwakuqala kukhulu abakufunde kumanina akwaZulu.

“Omama besizwe sikaMthwakazi bathole ukuhlangana labo mama akade bevela kwaZulu bezobafundisa bezoxoxa labo ukuthi bona njengabomama bakwaZulu baphethe njani, ubukhosi bakwaZulu baziphethe njani njengabomamam. Besifundisa lathi ukuthi njengabo mama siziphathe njani njengoba njengabomama ubukhosi lobu yinto esikhule singayazi njengoba kuyinto elokhu yacina ukubonakala kwelikaMzilikazi ngabo 1893.”

Omunye futhi oweZimbabwe uGogo uMankomo uthi ukufundiswa kwabasakhulayo ikakhulu abeZimbabwe ababodwa eGoli abazali besele ekhaya yinto eqakatheke kakhulu.

“Besibafundisa ukuthi bakwazi ukuziphatha ma benamadoda abo. Imizi yabo siyabona iyadilika akusakhiwa manje ngenxa yokuthi abantwana besintwana abahloniphi. Sibabona bagcwele egoli umntwana ma engaqeda isikolo ekhaya usebuya eGoli engakaze ayekwenda. Abantwana bethu okunye siyabona la eGoli sebebulalisa abafana ngoba sebekhomba nga 2 / 3 abafana bacine begwazana bebulalane. Siyakhuza bakithi sithi lowo mhlola kawuphele.”

Inyanga ka Ngcwabakazi yinyanga yabesifazana kweleSouth Africa lapho abenza khona inhlelo ezitshiyeneyo ezithinta intuthuko yabo.

please wait

No media source currently available

0:00 0:04:22 0:00

Facebook Forum

XS
SM
MD
LG