amalinks wokungena

Breaking News

Bathi Bazabopha Ziqine Lonyaka Abeqembu Lenguqu eleArenel


Umqeqetshi weqembu lomdlalo wenguqu ele Arenel uKudzi Mhandire

Iqembu lenguqu ele Arenel ngelinye lamaqembu abegunyulwe esigabeni se Southern Region Division One ekupheleni kwesizini yanyakenye kodwa inhlanganiso ye ZIFA Southern Region ikubone kufanele ukuba leliqembu limenywe ukuba liphenduke ngoba lingelinye lamaqembu amalutshwane abesenelisa ukubhadala inhlawulo ezidingakalayo engabanjwanga ngamandla.

Ngemva kokuphiwa kwalo elinye ithuba ukuba lidlale njalo kusigaba se Southern Region Division One iqembu leli liqhatshe umqeqetshi uMhandire yena obeqeqetsha iqembu le CIWU nyakenye lona elike laba ngelinye lamaqembu abehlezi phezu kwengalane yemiklomelo ngehlandla lakuqala elemidlalo.

Ekhuluma ngemva kwemidlalo eyokuzwana amandla iqembu lakhe eliyidlale leqembu le Bulawayo City ngempelaviki eyedluleyo uMhandire uthe umkhulu umsebenzi ababhekane lawo njengabaqeqetshi abatsha baleliqembu.

“Into ekhona yikuthi bafuna ukulolongwa abafana ukuze nxa sesisiya dlala imidlalo kubelula ikakhulu ngoba abafana abanengi ngabafana abatsha njalo nxa ukhangela imbali yeqembu khonalokhu ukuthi bebegunyuliwe ekupheleni kwemidlalo yanyekenye kusilethela ubunzima thina njengabaqeqetshi labadlali abatsha.

Sikhangelele kodwa ukuba ngemva kokudlala kwethu kwanamhlanje singabumba iqembu lethu lathi senelise ukutshaya eziwayo lonyaka,” kutsho uMhandire.

Kumidlalo emibili edlalwe edlalwe liqembu le Arenel lele Bulawayo City owakuqala uphele ele Bulawayo City linqobe nge 5 ka nya kuthi kowesibili iqembu le Bulawayo City linqobe nge 2 ka 1.

UMhandire uthi balamaviki amabili beqale amalungiselelo abo alonyaka njalo bazaqhubekela phambili bedlala imidlalo eyokuzwana amandla lamaqembu adlala kusigaba saphezulu ukuze bakhethe abadlali abalohlonzi abangamela umsindo owokudlala kusigaba se Southern Region Division One.

Kusenjalo iqembu le Mosi Rovers elisedolobheni lase Victoria Falls selikhangelelwa njengelinye lamaqembu angaphakamisa isicoco lonyaka kusigaba se Southern Region Division One ngemva kokuba lithenge abadlali abanengi abezinga alapheulu abanye babo asebeke bancedisa amanye amaqembu ukuba athole ilungelo elokuyadlala kusigaba se Premier Soccer League.

Laba badlali ngababalisa abangenise iqembu le Bulawayo City abathi uPhyswell Madhazi, uChris Semakweri, uDarryl Nyandoro kanye loThabani Goredema.

Abadlali laba balandele umqeqetshi obeqeqetsha iqembu le Bulawayo City nyakenye uTry Ncube ikanti abanye abadlali asebake badlala ku PSL ngababalisa unozinti uWellington Muuya, uTakunda Muzuva kanye lo McCarthy Dube.

please wait

No media source currently available

0:00 0:02:16 0:00
XS
SM
MD
LG