amalinks wokungena

Breaking News

Bathithibele Abantu Ngosuku LweKhisimusi Ngokusilela Kwemali Lamafutha Ezimota


Isikhathi sekhefu leKhisimusi ...
Isikhathi sekhefu leKhisimusi ...

Ngesikhathi seKhisimusi kuvamile ukuthi abantu bathenge izibiliboco lezifela emlonyeni bagade amabhasi belubhekise emaphandleni lapho okulezihlobo labangane.

Kodwa lonyaka bathi kunzima ukuthi bayehlangana lezihlobo labangane ngenxa yokusilela kwemali, amafutha ephethulo lokunye okufanayo okwenziwa yisimo esibi somnotho welizwe.

Esikhathini esinengi abathenga bethenisa impahla endaweni ezinjengo mkambo weGulf bajayele ukwenza imali enengi okumangalisayo ngesikhathi sekhefu leKhisimusi.

Lonyaka abanye kabenelisanga lokuthola yona eyokudla umuthi.

Omunye wabathengisa kuleyondawo uNkosazana Tendai uthi abantu abanengi sebethenga impahla elentengo ephansi sonke isikhathi okwenza ukuthi benganzi imali ekhanyayo.

“Hatshi abathengi kakhulu, ama accessories angcono kulezinto ezifana lama foni ngoba yinto ezitshipileyo okokuthi kasahambi kakhulu kules’isikhathi esikiso yikuthi nje konke ku low these days, yindaba yokuthi akula mali kuphela.”

Umqondisi wenhlanganiso ye Centre for Disability and Development, uMnu. Masimba Kuchera, uthi abakhubazekileyo baphazamiseke kakhulu ngesikhathi kususwa abathengisayo emigwaqweni :

“Abantu abanengi badanile abakhubazekileyo. Into ekhona yikuthi akula mali, akula mathuba owokuthi babelemali. Ngakho-ke abantu abanengi badanile bazabe bekhona nje ezindlini zabo kodwa iKhisimusi ibehlula sibili ngoba imali ingekho”

Umfundisi Ronald Rudorwashe Shumba weSonto yeLutheran uthi abantu kabathathe lelilanga libe lithuba lokuthandaza belikhwabithe kungenani lemali abalayo.

Umabhalani wenhlanganiso yeNational Mine Workers’ Union, uMnu. Sylvester Mushaike, uthi lonyaka iKhisimusi lilanga nje elikuma calendar kuphela.

“Izisebenzi ziyahlupheka sibili into ebahluphayo yikuthi iholo lokhe lindawonye okwesikhathi eside kodwa intengo ikhuphuka nsukuzonke. Lokhu kutsho ukuthi akulingani kubanzima ukuthi bangathengani ukuthi bethakazelele iKhisimusi. Ngesimo abakiso njengezisebenzi bathi vele akula Khisimusi.”

Udaba Esilethulelwe NguMark Peter Nthambe
please wait

No media source currently available

0:00 0:03:07 0:00

XS
SM
MD
LG