amalinks wokungena

Breaking News

Bathukuthele Abanengi Ngokudilizwa Kwezindlu Zabantu eBudiriro


An unidentified boy goes through the rubble of a demolished small to medium business centre in Chitungwiza, 9 km (5 miles) south of Harare, Zimbabwe, June 22, 2005.

Babikwa besebunzimeni obukhulu abantu abangena kumakhulu lamakhulu abadilizelwe izindlu elokitshini leBudiriro 5, eHarare.

Udaba lolu lucunule abantu abanengi abaveze insolo yabo enkundleni zokuxhumana ezifana leFacebook leTwitter.

Ibandla leMDC Alliance, eliyilo elikhokhela ikhansili yalelidolobho lisole uhulumende lisithi nguye odilize izindlu lezi watshiya abantu beze benethwa lizulu.

Lanxa isikhulumeli sikahulumende uMnu Nick Mangwana eke waloba enkundleni yeTwitter kunsukwana ezedluleyo exwayisa ukuthi uhulumende uzadiliza izakhiwo ezingekho emthethweni, uyakulandula ukuthi nguhulumende odilize izindlu zeBudiriro.

Kodwa ibandla leMDC Alliance lithi akekho omunye umthakathi. Umkhokheli walelibandla uMnu Nelson Chamisa uthi lolu luchuku olumele lusolwe ngumuntu wonke.

Ingcwethi kwezombusazwe uMnu Effie Dlela Ncube utshele iStudio 7 ukuthi lanxa uhulumende ekulandula, kusobala ukuthi nguye okwenzileyo lokhu nanku useke wazidiliza izindlu zabantu kanengi okugoqela ngesikhathi seMurambatswina.

please wait

No media source currently available

0:00 0:02:12 0:00

Facebook Forum

XS
SM
MD
LG