Uzulu uthukuthele ngokukhuphuka kwentengo yezinto ezigoqela impuphu lamafutha okupheka.
Umphathintambo obona ngezokuthengiselana uNkosikazi Sekai Nzenza utshele umsakazo weZBC ukuthi ukukhwela kwentengo yamafutha okupheka kubangelwe yikukhuphuka kwentengo yamafutha angakalolongwa kuhle aphelela aziwa ngokuthi yi-crude oil, wona athengwa phandle kwelizwe.
UNzenza uhlekwe ngabanye besithi ulahlekile ngoba akula budlelwano phakathi kwe-crude oil lamafutha okupheka.
Kodwa ingcwethi kundaba zokulungisa amafutha uMnu Busisa Moyo uthe uNzenza uqondile njalo wachasisa ukuthi ubekhuluma nge-crude demugged soya bean oil, yona ethengwa eArgentina njalo esetshenziswa ngamankampani eZimbabwe ekulungiseni amafutha okupheka.
Ibandla leZanu PF lona lisolo osomabhizimusi lisithi bakhwenza intengo mahlayana.
Kodwa ingcwethi kweezombusazwe uMnu Dumisani Nkomo utshele iStudio 7 ukuthi osomabhizimusi benziwa ngumumo womnotho.
