amalinks wokungena

Breaking News

Bathukuthele abeZimbabwe Abaphandle Kwelizwe Phezu Kwamazwi kaChinamasa ngeDiaspora Vote


Zanu-PF Press Conference

Zithukuthele izizalwane zeZimbabwe ezihlala kwamanye amazwe phezu kwamazwi ethulwe yisiphathamandla seZanu PF uMnu Patrick Chinamasa awokuthi azisoze zafa zavunyelwa ukuvota ziphandle kwelizwe nxa izijeziso ezetheswa amalunga alelibandla ngamazwe afana leBhilithane leMelika zingesulwanga.

Ngokubika kwenkundla yeNewZimbabwe, uChinamasa wethule amazwi la enkhuluma lentathelizindaba ngoLwesine.

UChinasa uthe abasoze bafa bakuvumela lokhu ngoba amalunga ebandla labo engenelisi ukuyakhankasela ukhetho kwamanye amazwe ngenxa yezijeziso lezi.

UMongameli Emmerson Mnangagwa wathi engena embusweni wathembisa ukuvumela iDiaspora Vote emhlanganweni awenza lezizalwane zeZimbabwe ezihlala eMelika.

Umgcinisihlalo webandla leMDC-T eMelika uMnu Den Moyo usole kakhulu amazwi kaChinamasa wathi bazadinga ukukhuluma loMnangagwa mathupha.

please wait
Embed

No media source currently available

0:00 0:03:06 0:00

Insolo kaMoyo igcizelelwe ngolwela amalungelo oluntu laye ephandle kwelizwe uMnu Mthulisi Hanana.

please wait

No media source currently available

0:00 0:02:18 0:00

Facebook Forum

XS
SM
MD
LG