amalinks wokungena

Breaking News

Bavalelisa uCallistus Ndlovu Obhubhele Kwele South Africa


Bavalelisa umuyi uNdlovu ...
Bavalelisa umuyi uNdlovu ...

Uzulu koBulawayo wamukele isidumbu sikamuyi uCallistus Ndlovu ngoLwesibili ebesithwelwe yindizamtshina yeSouth African Airlink ebivela kulelolizwe lapho abhubhele khona ngoLwesithathu ngeviki ephelileyo.

Umuyi unikwe isicoco seqhawe lesizwe seZimbabwe.
Umuyi unikwe isicoco seqhawe lesizwe seZimbabwe.

Isidumbu sikaNdlovu esifikele eJoshua Mqabuko International Airport sithwalelwe eDoves Kukhangelelwe ukuthi kuzakwenziwa inkonzo yokumvalelisa ngoLwesihlanu eSt. Mary’s Cathedral lase Large City Hall isidumbu sikamuyi singaka hanjiswa eHarare emathuneni amaqhawe aweNational Heroes Acre njengoba ibandla leZanu PF limnike isicoco seqhawe lelizwe.

Ekhuluma embuthanweni owenzelwe eDoves Morgan Funeral Parlour, uNkosikazi Judith Ncube ongusibalukhulu wako Bulawayo, uthe ilizwe lilahlekelwe yindoda ebithanda ibandla leZanu PF.

Omnye obesembuthanweni lo uSenator Molly Ndlovu ubonge uMongameli Emmerson Mnangagwa lebandla leZanu PF ngokuphiwa kuka Ndlovu isicoco sokuba liqhawe leZimbabwe.

Abanye abakhulume embuthanweni lo abagoqela uMnu. Joseph Tshuma, owayelilunga ledale lephalamende, bathe uNdlovu ubefanele ukunikwa isicoco seqhawe leZimbabwe.

Udaba Esilethulelwe NguAnnastacia Ndlovu
please wait

No media source currently available

0:00 0:03:57 0:00

XS
SM
MD
LG