amalinks wokungena

Breaking News

Amalunga eMthwakazi Party Avimba Umhlangano Wokukhumisana Umlotha


Amalunga eMthwakazi Republic Party avimbe umhlangano wokukhumisana umlotho eLupane esabelweni seMatabeleland North.

Ukuvinjwa komhlangano wekhomishini ebona ngokukhumisana umlotha lokuxolelana eye National Peace and Reconciliation Commissionn (NPRC) eLupane esabelweni seMatabeleland North ngoMvulo ngamalunga ebandla leMthwakazi Republic Party kwemukelwe ngembono etshiyeneyo yizakhamizi zakulindawo kanye lenhlanganiso ezizimeleyo.

Lesi sehlakalo sifana lesenzakale koBulawayo ngeviki ephelileyo.

Umsekeli kamgcinisihlalo wekomishini yeNPRC, uNkosikazi Lillian Chigwedere, uthe engakaqedi ukwethula injongo yomhlangano abasakhulayo laba bahle baqala ukutshengisela behlabela njalo bexotsha okomishina ababili abavela ezabelweni zaseMashonaland.

UMnu. Collen Ndebele, isakhamuzi seLupane, uthi uzwa ubuhlungu ngokuthi kuvele abantu koBulawayo bezophambanisa umhlangano weLupane.

Osebenza lenhlanganiso ezimileyo eye Zimbabwe Christian Alliance, uMnu. Siyephambili Moyo, uthi ukutshengisela lokhu kuveza ukuthukuthela kwabantu.

UMoyo wengeze wathi bekuqakathekile ukuthi kuthunywe abantu abazwisisa ulimi lwabanu njalo kuhlontshwe abakhokheli bomdabu besekukhuselwa impilo zabantu abazanika ubufakazi.

UMnu. Methembe Hillary Hadebe uthe abekomishini bekumele basebenzise inhlangothi ezinengi ezaziwayo njalo ezihlonitshwa ngumphakathi.

Batshengisela ngesikhathi kulomhlangano wokukhumisana umlotha eLupane.
Batshengisela ngesikhathi kulomhlangano wokukhumisana umlotha eLupane.

Omunye walabo abakade betshengisela, uMnu. Mandevana Shanda, usola ukuthi abekomishini le, baze ngendlela yokudelela bengakhulumisananga lenkokheli yomdabu.

Obekhokela abasakhulayo lab, uMnu. Venat Sibanda, uthe bavimbe lowo mhlangano ngenxa yokuthi abantu bemhlubulweni wemaNdebeleni bancindezelwe, ikakhulu ngodaba lweGukurahundi kanye lokuthathelwa imisebenzi.

UCommissioner Leslie Ncube, onguyeyedwa ilunga lale ikomishini okhuluma ulimi lwesiNdebele, uthe bazaqhubeka bekhulumisana labantu kuze kube lokuzwisisana.

Ngeviki ephelileyo umhlangano weNPRC umiswe ngendlela efanayo koBulawayo libandla leMthwakazi Republic Party.

Ibandla leli likhonona ngokuthi kungani ikhomishini le ibunjwa ngamalunga angenelisi ukukhuluma ulimi lwabantu abasemhlubulweni waseMandebeleni ngaphandle kwelilodwa, okuveza ukuthi ayihlelwanga kuhle njalo akuhlonitshwa abantu beMatabaleland.

Udaba Esilethulelwe NguBathabile Masuku
please wait

No media source currently available

0:00 0:04:26 0:00

Facebook Forum

XS
SM
MD
LG