amalinks wokungena

Breaking News

Bayabuzisiswa Abahluleli Abadinga Umsebenzi eSupreme Court


Ikomishini ebona ngokusebenza kwemithethwandaba ngoLwesibili ibibuzisisa abahluleli abalitshumi abavela kudale leHigh Court leLabour Court abadinga umsebenzi kudale leSupreme Court.

Abavele phambi kweJudicial Service Commission of Zimbabwe laba babalisa abahluleli beHigh Court uMnu Nicholas Mathonsi, uMnu Chinembiri Bhunu, Charles Hungwe, Samuel Kudya, Lavender Makoni, Happias Zhou, Susan Mavangira, loTendai Uchena.

Abavela kuLabor Court ngabathi uEuna Makamure loMercy Moya-Matshanga. UChief Justice Godfrey Chidyausiku nguye obekhokhela osikomitshi beJudicial Service embuthanweni obuseRainbow Towers esigodlweni.

Phansi kwesisekelo sombuso esakudala, ukukhethwa kwabahluleli kwakungumlandu kaMongameli Mugabe kuphela leJudicial Services Commission of Zimbabwe.

Kodwa isisekelo esitsha sithi uzulu nguye omele aqale akhethe labo afuna bangene kulumsebenzi, okuyinto uzulu akwenze kunyanga ezedlyleyo ngemva kokuphiwa ithuba nguhulumende.

IStudio 7 ixhume igqwetha uMnu Lucas Nkomo othi kuyajabulisa kakhulu osokusenziwa phansi kwesisekelo esitsha.

XS
SM
MD
LG