amalinks wokungena

Breaking News

Bayahlatshwa Ijekiseni yeCovid Abanengi, Kodwa Abanye Balokhe Bethikaza


Abantu bekudwendwe lokuhlatshwa ijekiseni yeCovid-19 eNkulumane Clinic koBulawayo.

Indwendwe zabantu abadinga ukuhlatshwa ijekiseni yeCovid-19 bezilokhe zizinde okwamagama koBulawayo ngoLwesithathu abanye bekhala ngokuthi uhulumende kumele engeze indawo zokuhlabela.

UMongameli Emmerson Mnangagwa ukhuthaze abantu ukuthi bahlatshwe ngobunengi ngoLwesibili ngesikhathi esazisa ilizwe ukuthi useqhelise iziqondiso zokwenqabela lumkhuhlane ngamanye njalo amaviki amabili.

UMnangagwa uthe phakathi kwamaviki amabili la, bakhangelele ukuhlaba abantu abayisigidi, 1 million. Uthe njalo umkhakha weCovid-19 omemetheka ngamandla oweDelta yiwo osubhahile elizweni.

Emakilikiki lasezibhedlela koBulawayo bekulokhe kuyisiphithiphithi ngoLwesithathu abantu bekundwendwe zokuhlatshwa.

Eklinika yeNkulumane imizila ibimide okwamagama. Lapho sixoxe loMnu Zwelibanzi Bhebhe yena obekhala ngokulinda emzileni.

"Ngiyahamba ukuyahlatshwa, inkinga ngama layini ayabe emade kakhulu. Umkhuhlane ukhona njalo abantu bayaphela,” kutsho uMnu Bhebhe. “Kuyazwakala, kuzwakale ukuthi hayi kuzindawo ngaphi langaphi usutholakele ubonakele njani njani."

UNkosazana Sibongile Ndlovu ohlala eMatshobana, yena osehlabile uthi abantu kumele bahlabe ngobunengi. Uthi ijekiseni le ayibuhlungu ngitsho lakancane.

"Mina angizange ngesabe ukuya hlatshwa. Siqala sibanike ama-ID then sebebhala ama details ethu. Then after that sesihlatshwa,” kutsho uMaNdlovu.

Lanxa abanye behlatshwa, abanye balokhe bethikaza. Omunye wabo nguMnu Prince Mhlanga.

"Abantu bayahlatshwa mara abanye bayasaba ukuhlatshwa. Lami ngesaba mara ngizahlatshwa lami. Lami sengike ngababona abanye abahlatshwayo, abanye baba weak two month kodwa i-half sizwa njalo,” uMhlanga utshele iStudio 7.

UNkosazana Senzeni Ngundu sihlangane laye eqeda kuhlatshwa eklinika yePumula engani wethukile.

Yene uthe: "Hayi ngirayithi, besisesaba ukuhlatshwa bethi kuyafanana abahlatshiweyo labanga hlatshwanga, ngoba even labonabo abahlatshiweyo bayafa. Bonke abantu abanengi basukumile namuhla layizolo, bakhanya sebebonile ukuthi hayi kufanele bahlabe."

Eklinika yaseNorthend khona sithole bebanengi njalo begoqela uNkosazana Shamiso Maphosa yena othe "mina sengihlatshiwe,eyesi two ngihlatshwa mhlaka 6 August. Ukuhlatshwa kwakhona kwakukhanya kufast. Asizange sithathe isikhathi eside, akubuhlungu."

Lanxa abantu besifa ngobunengi, bakhona abalokhe besemba phansi besithi abasoze bahlatshwe. UMnu Ntando Nkomo weMakokoba ngomunye wabo.

"Mina angiyihlabi, ngithi nxa ngisifa kungcono ngife. Ngoba lokhu yizinto zamaChina, izinto zesi-tsotsi zokufuna ukusibulala umhlaba wonke. Angihlabi hlabanini zithutha," kutsho uNkomo.

Amazwi akhe asekelwe nguMnu Gilbert Tshuma weBellevue, yena othi uzwa kuthiwa umjovo lo uyalimaza abesilisa kundaba zocansi.

"Mina into yokuhlatshwa leyi angiyi-second ngoba ngizwa izinto ezinengi ngayo. Amadoda amanengi aya-affect-eka kakhulu, ngizwa kuthiwa iyabathena bezizwe bengasafuni abantu besimame,” kutsho uTshuma ekhuluma okungayisikho okungasekelwa yiScience.

UNkosazana Khethokuhle Dube, ohlala eNketa yena uthe:v"Sengihlatshiwe zaze zaba mbili zonke, i-first lesecond dose.Angizange ngizwe lutho konke kube normal akuzange kwatshintsha lutho. Kwakuthwe abale-Bp bangahlatshwa ngangizwe njalo ekuqaliseni labale tshukela labalani."

Uhulumende uqale ukuhlaba abaphila ngokuthengisa koBulawayo kunsukwana ezedluleyo walandela ngokuvulela bonke abaleminyaka ephezu kwelitshumi lasitshiyangalombili, 18 years, ngomvulo.

UMnu Nkosilathi Brighton ngomunye ozisebenzayo osowahlatshwayo: "Besihlatshwa thina ama-vendor iviki eliphelileyo lonke. Besi hlatshiswa yikwesaba lomkhuhlane wobhubhane olukhona lolu. Ama-vendor wonke ahlatshiwe, abanye bahlulwe yikhonokhu indaba yama layini lensuku zakhona zisuke zaba mfitshane.”

Ingcwethi kwezempilakahle zithi amajekiseni la alungile njalo abantu kumele bahlatshwe.

please wait

No media source currently available

0:00 0:04:20 0:00

Facebook Forum

XS
SM
MD
LG