amalinks wokungena

Breaking News

Bayakhala Abantu NgeCOVID-19 Ngesikhathi Sekhefu leKhisimusi


Abantu abanengi bathi kunzima lonyaka ngekhefu leKhisimusi.

Kulabantu abathi kabasoze bakholise lonyaka ngekhefu leKhisimusi ngenxa yokumemetheka kwegciwane leCOVID-19 kanye lokuswela imali.

Omunye wabakhala ngokuswela imali langomkhuhlane weCOVID-19 ngesikhathi sekhefu leli nguNkosikazi Siphilile Ndlovu.

“IChristmas lonyaka ayikho mina vele angiyiboni, akula malungiselelo engiwenzileyo okulungiselela leyo Christmas kanti bengizathenga ngani okudliwayo kwakhona imali ngingelayo. Nanko ngiyi civil servant imali engiyiholileyo vele ayeneli next week abantwana bayavula baya esikolo pho ngilungiselela yiphi ikhisimusi, akula kudla imali ayeneli siyazihlalela nje kuyafana lansuku zonke sizidlela isitshwala sethu lembida.”

UNkosikazi Nomsa Ndlovu, isakhamuzi seNkulumane koBulawayo, uthi lonyaka kunzima ukwedlula umnyaka ophelileyo.

“Lonyaka kunzima nxa sikhangela lakumnyaka ophelileyo abantu babesenelisa ukuthi bavakatshe njalo imicimbi isenziwa okwakhathesi kunzima ngoba akula muntu ovakatshela omunye loba isifiso sikhona kodwa esikufisayo yikuthi abantu balandele imithetho ngoba asikho kweZimbabwe kuphela okwenzakalayo. Amanye amakhisimusi ayeza maybe kuzaba ngcono.”

Omunye njalo obambe owangaphansi nguBhekinkosi Ncube.

“IKhisimusi yalonyaka ngani izabe ibuhlungu ngoba abanengi bebengasebenzi ngelockdown leyi ngenxa yeCorona evalele zonke izinto kwangabimnandi. Lasetown abantu abakho kumood yikhisimusi ngani ngeyinye inyanga, abafowethu abavela eGoli ababuyanga bonke ngenxa yemisebenzi ukuthi bebengasebenzi.”

UNkosikazi Mayibongwe Dube, esinye isakhamuzi sakoBulawayo, laye uyakhala ngesimo esibi somnotho langokumemetheka kwegciwane leCOVID-19.

“Mina angiboni mehluko ngeKhisimusi yalonyaka leyeminye iminyaka, umehluko ongaba khona yikuthi izulu liyana, kodwa okunye akuhlukananga ngesimo esiphakathi kwaso eZimbabwe lapha worse khathesi imali eholwa ngabantu ayithengi futhi ayitholakali emabank, itransport ukuthi abantu bagade bayemakhaya bayejabula lemuli abasoze bayithole kunzima ukuthi abantu bavakatshele emakhaya njengeminyaka yonke.”

Kulabanye abaphila ngokuthunyezelwa imali ngabahlala emazweni atshiyeneyo okukhanya engani bangaba lekhefu elihle.

Bayakhala Abantu Ngomkhuhlane weCOVID-19 Lokuswela Imali Yekhefu leKhisimusi
please wait

No media source currently available

0:00 0:02:49 0:00


Facebook Forum

XS
SM
MD
LG