amalinks wokungena

Breaking News

Bayakhala Abanye Abancedisa Ibutho Lisusa uMugabe Esikhundleni


Abantu abanengi koBulawayo bathi bangeke bancedise ibutho nxa bengatshelwa ukuba bangene emigwaqweni betshengisele njengalokhu okwenzakala ngoLwezi ngomnyaka ka2017 kususwa owayengumongemeli, uRobert Mugabe, esikhundleni.

Abanye abantu bayazisola ngokungena emigwaqweni mhlaka 18 kuLwezi ngomnyaka ka2017 lapho abancedisa khona ibutho ukuba lisuse uMugabe esikhundleni. Bathi kwakulicebo elihle ukuba abantu betshengisele emigwaqweni bengancediswanga libutho.

UNkosikazi Nomathemba Mthembu, ohlala eNjube koBulawayo, uthi nxa kungenzeka ngendlela ehlukileyo kungelabutho engaphatheka.

"Okwenziwa ngabantu bengena ezitaladeni betshengisela ukuthi uMugabe aphume kwakulicebo elihle ngokuba besekuthethe iminyaka eminengi. lphutha labakhona esephumile abantu behluleka the will of majority people lokuvumela amasotsha kube yiwo afuqayo .Lamanje kungathiwa abantu bangene ezitaladeni bakhiphe okhona ngendlela efanayo kunga weakener iZanu PF system. Abantu kufuze babelecebo lokufuqa abebutho ukuthi balandele izifiso zoluntu banike umbuso abantu."

UNkosikazi Cora Ndebele, olwela amalungelo oluntu, uthi ngesikhathi kungenwa emigwaqweni kwakulicebo elihle kodwa kwaphambaniseka sekungene ibutho.

“Okwenziwa ngabantu bengena esitaladeni betshengisela ukuthi uMugabe aphume kwakulicebo elihle ngokuba besekuthethe iminyaka eminengi.lphutha labakhona esephumile abantu behluleka the will of majority people lokuvumela amatsha kube yiwo afuqayo .Lamanje kungathiwa abantu bangene esitaladeni bakhiphe okhona ngendlela efanayo kunga weakener iZanu pf system,abantu kufuze babelecebo lokufuqa abebutho ukuthi balandele izifiso zoluntu banike umbuso abantu."

UMnu. Mabutho Moyo, olilunga leZANU PF, uthi abazisoli ngesinqumo abasithathayo.

"Into ebisisenzakala ebandleni leZanu ayisiyo eyayikusivumelwano esasifakiwe. Thina njengentsha sasukuma sakwala ukuthi ayisikho osekusenzakala ayisilobandla esilaziyo.Abantu beZimbabwe basukuma leZanu yasukuma sabambisana, into esayenza ukukhipha uMugabe is the best decision ever eZimbabwe.

Lokhu kusekelwa nguMnu. Believe Gaule, owebandla leZanu PF.

“Lokhu kwangikhumbuza ilizwe likhululeka ngomnyaka ka1980 ilizwe lithola uzibuse, abantu bathi begcwala eHarare amabandla ahlukeneyo ekhuluma labo abanwana beZimbabwe batshengisa ukubambana.”

UNkosikazi Lorraine Fuzwayo uthi akulanto esitshintshile okwenza kubenzima ukuthi bathembe futhi ukuphatheka.

"Angiboni ukuphuma kukaMugabe kubuye lemphumela emihle kusukela ,ngibona elizweni kusiba worse abantu behlupheka kusiya phambili lobutsotsi.Ngikhangele khonokho angiboni ukuthi aluba lonyaka bekungathwa lokhe ekhona singene esitaradeni simkhiphe angiboni bengingasoze ngingene.”

Loba abantu belemibono etshiyeneyo, bavumelana ukuba sasesifikile isikhathi esokuthi uMugabe asuswe esikhundleni.

Facebook Forum

XS
SM
MD
LG