amalinks wokungena

Breaking News

Bayakhala Osomabhizimusi Ngekhefu Elingathembisiyo


Abalamabhizimusi amancane bakhala ngebhizimusi ephansi ngesikhathi sekhefu leKhisimusi esililandayo, bethi lokhu kutshengisa ukuthi ibhizimusi izabe iduma.

Uzulu usola iholo lebonus elaphiwa izisebenzi zikahulumende ethi yilo elenze intengo yempahla yaqansa kanye lokuwisa isisindo sedola leZimbabwe.

Umnumzana Effort Ncube umqondisi weNational Consumer Rights Association uthi amabonus akumelanga kubeyimbangela yokukhwela kwezinto.

"Ukuphiwa kwabantu akufanelanga kubeyimbangela yokukhwela kwezinto ezitolo. lnto nje esisenza lokho yikuganga kwabantu bamabhizimusi asebefuna ukwamukela imali etholwa ngabantu phezu kokusebenza nzima umnyaka wonke. Ungakhangela umhlaba wonke jikelele ngesikhathilesi se festive samaholiday izinto ziyehla zonke zithengeke kuseZimbabwe kuphela okuthi nxa kufika uDecember izinto zonke zikhwele."

Unkosikazi Nomsa Sithole ophila ngokuthengisa uthi akukhanyi ukuthi ikhisimusi isifikq yonke into ithule.

"Ama bonus lawa abuyayo yiwo asibulalayo njengabo somabhizimusi abancane ngoba ikhisimusi thina asisayiboni, kweminye iminyaka nxa sekunje kuyabe sekukhanya kodwa ngenxa yamarates eblack market yonke into isuke ibenzima kakhulu.”

Unkosikazi Thandeka Siziba ophila ngokuthengisa uthi ikhisimusi yalonyaka inzima ngoba inamathelane lokuvulwa kwezikolo.

“lkhisimusi yalonyaka kithi osizisebenzayo inzima kakhulu ngoba ibhizimusi ithule akulanto ehambayo ngapha sikhangele ikhisimusi ukuthi yikho lapha esizavuka khona kodwa sekumgceke ukuthi siyibambe imali sesikhangele lokuvulwa kwezikolo ikhisimusi asisayikhangeli.”

Unkosikazi Thabo Thebe uthi amarates emkambo wensitha yiwo amanye awisa ibhizimusi.

“Singakhangela indlela iblack market eyenza ngakhona thina abama business amancane angiboni sikhula ngoba ngani siyangcindezelwa isikhathi sonke worse khathesi sesikhangela ikhisimusi akulanto ephumayo esiyibonayo kuthule nje.”

Selokhe kwaqala ubhubhane lweCovid 19 ngomnyaka ka 2019 abamabhizimusi amancane bathi impilo ayizange Ibelula kibo.

Baveze ukuthi imali ephiwe izisebenzi zikahulumende amabonus ngokunye okwenze ukuthi idola leMelika lidule ngamandla emkambo wensitha. Namhlanje idola leMelika lithengiswa ngamadola eZimbabwe angamakhulu amabili iZWL 200 kisiya ku ZWL 210. Kukanti ebhanga lithengiswa ngemadola angaphezu kwekhulu ZWL108.66.

Udaba lwabanini bhizimusi abancane siluphiwa nguBathabile Masuku
please wait

No media source currently available

0:00 0:03:04 0:00

Facebook Forum

XS
SM
MD
LG