amalinks wokungena

Breaking News

Bayala Ukwesulisa Amagama Abo kuZEC Abaphambuke Kumanyano we MDC Alliance


UMnu. Morgen Komichi.

Umgcinisihlalo webandla leMDC-T, uMnu. Morgan Komichi uthi abazangena kukhetho bezimele kodwa bevela kumabandla akumanyano we MDC Alliance sebexotshiwe kumanyano lo kulandela ukwedlula kwelanga lokuthi basuse amagama abo ephepheni lokuvota.

Kulabazancintisa bedinga ukuba ngamlunga edale lephalamende abalitshumi lamakahnsila ambalwa angene kukhetho ezimele kulandela ukungeniswa kwamalunga ebandla leMDC-T.

Kubikwa kuloyedwa kuphela osuse igama lakhe kugatsha lwe ZEC. Umgcinisihlalo webandla leMDC elikhokhelwa nguMnu. Welshman Ncube uMnu. Leornard Mhlanga esigabeni seMatabaleland South wethese umkhokheli weMDC-T uMnu. Nelson Chamisa, umlandu wokubhidliza umanyano weMDC Alliance ngokususa amalunga ebandle lakhe ukuthi kufakwe awe MDC-T.

Isenzo seMDC-T sibikwa sitshiye lumanyano uxega okwesatshelwa ukuthi kuzakwenza ukuthi iZanu PF ingqobe njalo.

Isiphathamandla sebandla leMDC-T umnu. Thandeko Zinti-Mnkandla oncintisa ezimele kusikhundla sokudinga ozamela iGwanda South edale lephalamende uthi kasoze esule ibizo lakhe kuluhlu lwabancintisayo njengalokhu okutshiwo libandla lakhe. sezancintisana loMnu. Patrick Dube owebandla lakhe. uMnu. Mnkandla uchasisela uSithandekile Mhlanga weStudio 7 izizatho zenyathelo lakhe lokungasusi igama lakhe.

Facebook Forum

XS
SM
MD
LG