amalinks wokungena

Breaking News

Bayathokoza Abantu Ngokuyekethiswa Kweziqondiso Zokwenqabela iCovid-19


President Emmerson Mnangagwa addressing people in Gwayi, Matabeleland North, Friday, February 25, 2021. (Photo: Ezra Sibanda)

Uzulu wamukele ngenjabulo inyathelo likaMongameli Emmerson Mnangagwa lokuyekethisa iziqondiso zokuvalwa kwelizwe phezu komkhuhlane weCovid-19.

UMnangagwa wazise izolo ukuthi indawo ezinengi ezigoqela amabhizimusi amakhulu lamancane sezivuliwe. Kodwa uthe abanikazi kumele balandele zonke izimiso zokwenqabela lumkhuhlane.

Uphinde wathi abezikolo kumele bahlale belungiselele ukuvula lanxa nje engasatshongo ukuthi nini.

Isiphathamandla senhlanganiso yeAmalgamated Rural Teachers Union of Zimbabwe (ARTUZ) uNkosazana Melissa Chingwanangwana utshele iStudio 7 ukuthi uhulumende kumele athathe wonke amanyathelo okuvikela ababalisi labafundi kumkhuhlane weCovid-19 izikolo zingakavulwa.

please wait

No media source currently available

0:00 0:03:52 0:00

Isiphathamandla senhlanganiso yeBulawayo Vendors and Traders Association uMnu Aleck Ndlovu yena uthe abaphila ngokuzisebenza labo bayathokoza ngoba sebevunyelwa ukuqhuba amabhizimusi abo ngokugcweleyo.

please wait

No media source currently available

0:00 0:02:34 0:00

UMongameli weleSouth Africa uMnu Cyril Ramaphosa laye uyekethise imigoqo yokuvalwa kwelizwe lakhe kuthange.

Umgcinisihlalo wenhlanganiso emela izizalwane zakwamanye amazwe kweleSouth Africa eyeAfrica Diaspora Forum uMnu Vusumuzi Sibanda utshele lumsakazo ukuthi ukuvulwa kwamazwe womabili kuzaletha ububelo empilweni kazulu.

please wait

No media source currently available

0:00 0:03:39 0:00

Kusenjalo, ugatsha lwezempilakahle luthi kubhubhe abantu abahlanu ngomkhuhlane weCovid-19 izolo njalo kwatholakala abangamatshumi amabili lasithupha belomkhuhlane lo.

Asebebhubhile selokhe umkhuhlane lo ifike eZimbabwe sebesedlula inkulungwane lamakhulu amane, 1,468, njalo asebefunyenwe belawo sebengu36,115.

Facebook Forum

XS
SM
MD
LG