amalinks wokungena

Breaking News

Bazamvotela Na Owesifazane Ukuthi Akhokhele Ilizwe?


Unkosikazi Joice Mujuru labanye.
Unkosikazi Joice Mujuru labanye.

Kulabesifazane abakhangelele ukuncintisa kukhetho lokudinga umongameli. Kodwa bakhona abathi ilizwe alikafiki kusibanga sokuthi umuntu wesifazane alibuse.

Ukudonselana amandla okukhona kathesi ebandleni le MDC-T, abanye bathi kubangelwa yikuthi omunye wabasekeli bebandla leli ngowesifazane, uNkosazana Thokozani Khuphe onguye owakhethwa emhlanganweni we congress besithi ngabe ngowesilisa ngabe nguye umkhokheli.

Kulenye inkokheli ebalisa uNkosikazi Joice Mujuru, Macelene Chikasha, Barbara Nyagomo labanye abafuna ukuncintisa bedinga ukukhokhela ilizwe. Kodwa amathuba abo akhanye emancane nxa kuqathaniswa lawabesilisa.

Kambe engalibusa na owesifazane ilizwe leZimbabwe?

Ukuhlaziya loludaba sixoxe lokhansila Mpokiseng Sibanda owebandla leMDC-T lonkosazana Rita Ndlovu owebandla leMDC ekhokhelwa nguMnu. Welshman Ncube onguye osungula lingxoxo.

“Zinengi izinto esimele sizilungisise singakafiki kuzinga lokuthi sisapote umuntu ongumama ngoba khonaphana siyabe sikhuluma sibanengi sikhuluma izinto ezingayindawo,” kutsho uNdlovu.

USibanda laye uyavumelana loNdlovu esithi abesifazane abathi asikafiki isikhathi sokuthi ilizwe libuswe ngumuntu ongumama basetshenziswa ngabo baba.

“Singathi umuntu ongumama kenelisi ukukhola ilizwe yena laye eyabe efundile? Okukobo baba okungekho kobo mama kuyini?” kutsho uSibanda.

please wait

No media source currently available

0:00 0:05:35 0:00

XS
SM
MD
LG