amalinks wokungena

Breaking News

Umthethwandaba UKhulula UNkosikazi Beatrice Mthethwa


Human Rights Lawyer Beatrice Mtetwa

Umantshi uNkosikazi Rumbidzai Mugwagwa uthe akulabufakazi obukhomba ukuthi ngempela wadala icala uNkosikazi Mthethwa lokuthuka amapholisa lokuthatha imifanekiso.

Umthethwandaba kamantshi ngoLwesibili ufumane igqwetha uNkosikazi Beatrice Mthethwa engelacala. UMthethwa ubotshwe ekuqaliseni komnyaka esetheswa icala lokuphazamisa lokwethuka amapholisa abeqhuba umsebenzi wawo.

Amapholisa athi abedingisisa endlini kaMnu. Thabani Mpofu, obesebenza ehofisini kaMnumzana Morgan Tsvangirai kodwa uNkosikazi Mthethwa owayemele uMpofu wasefika ebathi bayi “zinja zikaMugabe” njalo wathatha imfanekiso ngomakhalekhukhwini wakhe esithi uzayethulela imisakazo yakwamanye amazwe.

Kodwa umantshi uNkosikazi Rumbidzai Mugwagwa uthe akulabufakazi obukhomba lokhu njalo kuyikuthi uNkosikazi Mthethwa wayithatha ngempela imifanekiso, akusocala.

Igqwetha likaNkosikazi Mthethwa, uMnu. Harrison Nkomo utshele uSithandekile Mhlanga weStudio 7 ukuthi kwakungafanelanga uMthethwa athonisiswe ngoba evele engelacala.

please wait

No media source currently available

0:00 0:01:27 0:00
Lapho esitholakala khona

Kusenjalo, uhulumende uselobele amagqwetha ayemela abasanda ukukhululwa kucala lokubulala ipholisa uMnu. Petros Mutedza eGlenview eHarare ngomnyaka ka 2011 ukuthi azothatha impahla zabo.

Amapholisa ayelokhu egagadlele impahla lezi, esithi zizancedisa ekufakazeni ukuthi abakhululwayo laba balidala lelicala. UNkosikazi Mthethwa ngomunye wamagwetha ayebamele.
XS
SM
MD
LG