amalinks wokungena

Breaking News

Bedlula Ikhulu Ababanjwe Umkhuhlane weCovid-19 eZimbabwe Izolo


Kuhlolwa Indawo Zokwelapha Abalomkhuhlane Onjenge Coronavirus
Kuhlolwa Indawo Zokwelapha Abalomkhuhlane Onjenge Coronavirus

Kulabantu abalikhulu lanye, 101, ababanjwe umkhuhlane weCovid-19 eZimbabwe izolo.

Isigaba seMatabeleland South yiso esihamba phambili ngabantu abangu-58 silandelwa lidolobho lakoBulawayo elilabantu abangu-29.

Kulabayisitshiyagalolunye njalo abeMashonaland East, ababili beMidlands labathathu beMatabeleland North.

Ugatsha lwezempilakahle luthi phakathi kwabantu laba, abangamatshumi amane lasithupha, 46, bathole lumkhuhlane eZimbabwe kuthi abangamatshumi amahlanu lanhlanu, 55, bavele lawo kweleSouth Africa.

Kulabangamatshumi amathathu lasithupha, 36, njalo abafunyanwe sebepholile.

Asebebanjwe lumkhuhlane selokhe waqhamukayo sebekhwele baya ku-10718 kuthi asebepholile sebengu-8880. Abalokhe begula sebengu-1547.

I-Bulawayo yiyo elokhe ihamba phambili ngabangu-573 ilandelwa yiMatabeleland South ngabantu abangu-259.

I-Harare ikuzinga lesithathu ngabantu abangu-210 ilandelwa yiMashonaland West yona elabantu abangu-156.

Abantu asebebhubhile balokhe bengamakhulu phose amathathu, 291, ngoba izolo akekho otshonileyo.

Kodwa kusehlakalo esethuse inengi, ngoMgqibelo kubhubhe abantu abalitshumi njalo abayisitshiyagalolunye babo ngabeHarare.

Lelidolobho beselilenyanga phose ezimbili lingelamuntu obulawe yiCovid-19.

Umeli weSoutherton ephalamende uMnu Peter Moyo utshele iStudio 7 ukuthi okudanisayo yikuthi abantu abanengi bakhanya sebekhohliwe ngalumkhuhlane lanxa nje usabalala elizweni.

please wait
Embed

No media source currently available

0:00 0:02:47 0:00

XS
SM
MD
LG