amalinks wokungena

Breaking News

Benza Kahle Abantwana beSomakwilili Kumncintiswano weScience eSouth Africa


Abantwana besikolo seSomakwilili benzwe kahle kumbukiso lomcintiswano weZimbabwe Science leResearch owenzelwe kwele South Africa. Lapha balabanye abangene umncintiswano lo.

Abantwana besikolo semfundo ephansi seSomakwilili eNkayi esabelweni seMatabeleland North benze kahle kumbukiso weZimbabwe Science leResearch Fair owenzelwe lamuhla ePretoria kwele South Africa.

UMfundisi Hlanganani Dube, obekhangele abantwana laba ekunhlanganiso yeMopane Foundation ebalungisele uhambo lwabo njalo ebabhadalela inhlawulo yemfundo, uthe bayajabula kakhulu ngokwenziwe ngabantwana laba.

Abantwana laba bathwala nzima ukuze bayefika kwele South Africa lapho abethule khona okungenziwa nguhulumende weZimbabwe ukuze uzulu athole izithupha lula. Bafunda esikolo esidinga uncedo lokwakhiwa lokunye okufanayo.

UMfundisi Dube uthe, “Bathole isicoco seIron Award abantwana laba abadinga ukuthi kuhlolisiswe indlela abantu abangathola ngazo izithupha lula.”

Uphinde wathi abantwana laba badinga uncedo lokwakhelwa isikolo sabo esingelazindlu zokuvotela eziqondileyo.

“Sidinga imali yokuthi bakhelwe izindlu zokufundela lezokwenzela lokhu okuthiwa ngama experiments ngeSilungu.”

Facebook Forum

XS
SM
MD
LG