amalinks wokungena

Breaking News

Bhalisani Amabizo Enu Kuhulumende Ukuze Lithole Inzuzo yePension, Kutsho Inhlanganiso yeZPRA Veterans Association


Zipra

Isikhulumeli salinhlanganiso uMnu Buster Magwizi uthi phezu kwalokhu, isicelo abasiletha phambi kwedale le phalamende nyakenye esokuba imali zabo zengezelelwe sesizafezeka.

Iziphathamandla zenhlanganiso yeZPRA Veterans Association sezikhuthaze abalwa kumpi yenkululeko bekuviyo leZPRA ukuthi bebhalise amabizo abo kuluhlu lukahulumende ukuze bathole imali ze pension lokunye okutholwa ngabalwa kulimpi. UMlondolozi Ndlovu usethulela loludaba ngokugcweleyo.

Isikhulumeli salinhlanganiso uMnu Buster Magwizi uthi phezu kwalokhu, isicelo abasiletha phambi kwedale le phalamende nyakenye esokuba imali zabo zengezelelwe sesizafezeka.

Uthi inengi labalwa kumpi yenkululeko bekuviyo leZPRA kabazange bathole ithuba lokuphiwa imali ezatholwa ngabanye babo ngomnyaka ka 1997 ngenxa yobandlululo lokuswela ulwazi olweneleyo.

UMnu. Magwizi wazise abanye abalwa kumpi yenkululeko ukuba umthetho ababecela ukuba ulungiswe lidale lephamende usuzalungiswa.

Uqhubeke esithi bayakwazi ukuba kulodubo lwabantu abaqamba amanga ukuba balwa kulimpi esithi uhlelo lolu luza khangelisisa konke lokhu.

Ingcwethi ecubungula ezombusazwe uMnu. Blessing Chidonhi uthi ngempela kumele abalwa kumpi yenkululeko bathole usizo.

Kodwa uNkosikazi Patience Sithole, isiphathamandla senhlanganiso yeZimbabwe Democracy Institute uthi lokhu akumelanga kuqhubeke kusenzekala.

Kuncwadi abayilobela idale le phalamende ababekuZIPRA bathi bafuna ukuba uhulumende abuyisele impahla eyathathelwa ibutho leli ZPRA ngesikhathi se Gukurahundi.

Bathi njalo bafuna ukuba bahlonitshwe ngendlela uhulumende ahlonipha ngayo abalwa bephansi kweviyo leZANLA.

Abalwa kumpi yenkululeko kweleZimbabwe bazinkulungwane ezifika amatshumi amathathu lane- 34 000 abatholakala kuviyo le ZPRA lele ZANLA.

Lanxa ibutho le ZANLA lali labancedisayo abaziwa ngokuthiwa ngo Chimbwido labo mujibha ku ZPRA kubikwa kwakungela bantu abafana lalabo.

please wait

No media source currently available

0:00 0:03:22 0:00


Facebook Forum

XS
SM
MD
LG