amalinks wokungena

Breaking News

Biden: Angizisoli Ngokususa Ababutho eMelika kweleAfghanistan


Joe Biden delivers remarks on the crisis in Afghanistan
Joe Biden delivers remarks on the crisis in Afghanistan

UMongameli Joe Biden uthi uma ngesinqumo sakhe sokususa amabutho eMelika kweleAfghanistan lanxa abanye bemsola besithi lokhu yikho okubangele ukuhluthunelwa kukahulumende walelolizwe umbuso liqembu leTaliban ngeSonto.

Kumbiko awethule kumabonakude ngoMvulo ntambama, uBiden uthe ukugenqulwa kukahulumende lo kuveza sobala ukuthi amasotsha eAfghanistan kanye lenkokheli yalelolizwe abazimiselanga ukuzilwela ngoba bebalekile balahla lezikhala.

Ngokunjalo, uthe kasoze eqhubeke ethumela amasotsha eMelika ukuyafela abantu abangafuni kuzilwela empini ebisileminyaka engamatshumi amabili.

Amasotsha eAfghanistan ebesele elwisana lamaTaliban ewodwa kulandela ukukhitshwa kwamabutho eMelika nguBiden.

Kulabo amamsolayo besithi ujikele uzulu weAfghanistan makhaza amaganyane ngokususa amabutho, uBiden uthe eleMelika selafeza injongo elaliyihambele empini le eyokulwisana lezidlova ezazihlasele lelilizwe.

Uthe ilizwe lakhe lasebenzisa imali enengi kakhulu ukulolonga ibutho laseAfghanistan njalo lalihlomisa ngemikhakha lemikhakha yezikhali ukuthi lizimele lilwisane lamaTaliban liwehlule.

Ngakho uthe bekumele bazilwele bavikele ilizwe labo hatshi ukubaleka betshiya amaTaliban ethatha umbuso. UMongameli welizwe leli kanye leziphathamandla zikahulumende wakhe labo babalekile elizweni.

Kube lengxabangxoza ngesikhathi amabutho eMelika esusa izizalwane zalelilizwe lezinye zaseAfghanistan abanye bafa ngenxa yokunyathelana bezama ukugada indizamtshina.

Ocubungula ezombusazwe uMnu Tim Muringai utshele iStudio 7 ukuthi lanxa bekhona abasolayo, abanengi eMelika bayavumelana loBiden.

please wait

No media source currently available

0:00 0:04:53 0:00

XS
SM
MD
LG