amalinks wokungena

Breaking News

Biden: Kuyayangisa Ukuthi uTrump Wala Ukwamukela Impumela Yokhetho


Biden-Trump

UMongameli weMelika uMnu Donald Trump uqhubeka esala ukwamukela impumela yokhetho, okuyinto uMnu Joe Biden athi iyayangisa kakhulu.

UTrump uthi ukhetho lwantshontshwa njalo uthi kungabalwa kutsha amavoti ezabelweni ezithile kuzavela sobala ukuthi wanqoba.

Unobhala obona ngobudlelwano beMelika lamanye amazwe uMnu Mike Pompeo uthe ebuzwa zintathelizindaba izolo ukuthi uzasebenza kuhle na lequla likaBiden ukuze aliqhubeze intambo zikahulumende, waphendula esithi intambo uzaziqhubela umbuso kaTrump eseqala njalo ukubusa okwehlandla lesibili ngoba kunguye owanqobayo.

UBiden yena utshele intathelizindaba ukuthi ukwala kukaTrump ukwamukela impumela yokhetho lokhu kuyinto eyangisayo.

Lanxa ukubalwa kwamavoti kungakapheli kwezinye izabelo, sokwavela sobala ukuthi uTrump wanqotshwa nanku uBiden ulamaElectoral Votes angu-279 phakathi kwangu-270 adingakalayo kuthi yena uTrump ulangu-214 kuphela.

UMnu Biden uthi kungelani lokwala kukaTrump, uya phambili ngokulungiselela ukungena embusweni mhlaka 21 ngoZibandlela.

Ukudonselana phakathi kwababili laba sokutshiye abanye ekade bencoma iMelika ngendlela eqhuba ngayo ukhetho bekhuza umhlola.

AbeZanu PF, bona abahlezi besola eleMelika ngokubethesa izijeziso zenotho bathi iMelika ayisamelanga ikhulume ngokhetho olukhululekileyo kwamanye amazwe.

Ilunga lalelibandla uMnu Believe Gaule uthi ukudonselana kundaba zokhetho lweMelika kukhanya sokuyinsakavukela umchilo wezidwaba ngoba ngo2016 abebandla lamaDemocrats labo bakhala ngokuthi ukhetho lwantshontshwa nguTrump encediswa yiRussia.

please wait

No media source currently available

0:00 0:02:41 0:00

Ingcwethi kwezombusazwe uMnu Dumisani Nkomo utshele iStudio 7 ukuthi lanxa uMongameli Trump elelungelo lokukhonona, okuhluphayo yikuthi kakethuli ubufakazi obuveza sobala ukuthi waqilwa kulolukhetho.

please wait

No media source currently available

0:00 0:02:05 0:00

Facebook Forum

XS
SM
MD
LG