amalinks wokungena

Breaking News

Biden: Sizazizingela Sizijezise Izikliwi zeISIS Ezidubule Amabhombha Zabulala Amabutho eMelika


Biden ISIS-K

Izikliwi zeqembu leISIS zidubule amabhomba kweleAfghanistan ngoLwesine zabulala abantu abedlula amatshumi ayisithupha, 60, abagoqela amabutho aseMelika alitshumi lantathu, 13.

Isigodlo sebutho leMelika, iPentagon, siveze njalo ukuthi kulimale amasotsha alelilizwe alitshumi lanhlanu, 15.

AbeISIS laba badubule amabhombha lawa phandle kwegceke lendizamtshina edolobheni leKabul lapho okuxokozela khona amabutho eMelika ezama ukuhlenga inkulungwane zezizalwane zaseMelika lezeAfghanistan ezizama ukuphuma kulelolizwe zibalekela iqembu leTaliban, lona elisanda kugenqula uhulumende.

UMongameli weMelika uMnu Joe Biden wethule amazwi ngemva kwesehlakalo lesi ekhalela imuli zababhubhileyo.

Uthembise ukuthi eleMelika lizazidinga izikliwi ezenze isiga lesi zijeziswe.

Ocubungula ezombusazwe uMnu Effie Dlela Ncube utshele iStudio 7 ukuthi ukufa kwezizalwane zeMelika lokhu kwenza uBIden asolwe kakhulu ngabanye.

please wait

No media source currently available

0:00 0:03:17 0:00

Facebook Forum

XS
SM
MD
LG