amalinks wokungena

Breaking News

Bulawayo Unanza Iminyaka engu127 Yaphiwa Isicoco seDolobho


City of Bulawayo

Izakhamizi zakoNtuthuziyathunqa zinanze ukuphiwa kwalelo dolobho isicoco sokuba lidolobho, ele Bulawayo Day, ngoLwesibili mhla ka01 Nhlangula. Kubikwa kuzaba lemicimbi ehlukeneyo egoqela ukuhlabelela, lembongi emkhosini osungulwe namuhla kuze kuyefika ngeSonto mhlaka 5 Nhlangula.

Idolobho lakoBulawayo lithakazelela iminyaka elikhulu lamatshumi amabili lasikhombisa (127) lokhe lanikwayo isicoco sokuba lidolobho, iCity Status.

Ilanga leli selinanzwa minyaka yonke njengendlela yokuqakathekisa imisebenzi yentuthuko, ukulondolozwa kwamasiko lembali yedolobho leli.

Lonyaka kulemicimbi ezabe ikhona ezadonsa iviki yonke, kuhlelo oluqoqqwe ngabeBulawayo Arts Festival. Imicimbi le izakwenzelwa ebulenjini(online) kuthi eminye izabe ilababukeli abalihlekana abalinani elivunyelwayo phansi kweziqondiso zokuvikela ukuthelelanwa kweCovid-19.

Umnunzana Saimon Mambazo Phiri onguye okhokhela imicimbi yeBulawayo Day kanye leBulawayo Arts Festival uchasisa kabanzi ngalolu hlelo lwabo.

"lsiqokoqela salimgcimbi embili especially ngiyaqala ngeBulawayo day, okulililanga likaBulawayo yikukhumbula lokuthi sihlale sekhumbuzana ukubana uBulawayo ube yiminipality ngalelo langa.l festival yindlela yokubana idolobho lakoBulawayo njengoba kulidolobho elihlala liphambili liyingqwele kwezemidlalo, ukutshitshimba ezamasiko.UBulawayo lidolobho elingaba phambilini lihlale litshengisa amanye amadolobho aseZimbabwe ukuthi imicimbi enjengale.”

U-Phiri wengeze ethi ukuqhamuka kobhubhane lweCovid 19 luphambanise kakhulu abakumsebenzi yezemidlalo lokulibazisa uzulu.

"Liviki sizabe silabahlabeleli konke nje okuphathelane lemidlalo, ngiyinye indlela yethu yokuthi sizame ukubonisa uhulumende lakanye labantu ukuthi ngesikhathi sobhubhane kuyini okungenzakala ukubana abezemidlalo lalaba abaphila ngama talent benelise ukuthi bavule baye emsebenzini njengabanye.Kutsho ukuthi lumdlalo weBulawayo Festival kuhlanganisana leBulawayo day uzenelisa ukuncedisa inkokheli kanye labantu ezitaladeni ukuthi ezama arts zingavuleka njani kusiya phambili kumbe umkhuhlane usakhona kumbe suphelile.”

Umnunzana Mehluli Gomezi Dube umhlabeleli wakoBulawayo uthi abantu abanengi bebengakwazi ukuthi uBulawayo ulosuku lokuzalwa.

"I Festival yalonyaka izasivulela ama opportunities amanengi ngoba loHulumende utshengisele I support. Thina ama artists yithi kade sesi affected kakhulu ngoba besesifila engani sitshiywa phandle, because besesingani sisalele emuva abanye bebuya lamaqhinga benelise ukusebenza but we are very happy ukuthi finally uhulumende senze wakubona and he is giving us full support,abantu abanengi bebengakwazi ukuthi uBulawayo laye ule birthday laye ulalapho afounder khona Kuqakathekile ukuthi abantu bezame ukuphatheka ukuthi bebekwazi ngembali yakoBulawayo.

UMongameli Emmerson Dambudzo Mnangagwa ukhangelelwe ukuphawula okusemthethweni, imicimbi yabaphila ngezipho zokucula, imidlalo, imbongi lokunye eye Bulawayo Arts Festival ngoLwesine lwayonale iviki.

Inkokheli ze Bulawayo Arts Festival zibonge kakhulu ngosekelo oluvele kuhulumende besithi lokhu kutshengisa ukuba abaphila ngezipho abazinikwa nguSomandla bayananzwa elizweni bephiwa ithuba lokuthuthukisa umnotho we lizwe.

Facebook Forum

XS
SM
MD
LG