amalinks wokungena

Breaking News

Izakhamizi zeGwanda Zisungula Isivande Endaweni Ebilezihlahla Ezilameva


A Chihuahuan Greater Earless Lizard, one of the many creatures that call Big Bend home, rests in the shade of a strawberry cactus.

ICactus Rosea kumbe umayeqela yisihlala esilameva esitholakala kusukela eSengezane kusiyafika eGuyu njalo silameva athi ungawathintha akweqele akuhlabe kabuhlungu.

Izakhamizi zeBandani eSengezane kuWard 14 eGwanda ebezithwaliswe nzima yisihlahla seCactus Rosea esaziwa ngokuthi ngumayeqela kumbe umagnet kulesisigaba, sezitshaywa ngumoya ngemva kokwenelisa ukutshabalalisa lesisihlala zincedisana labogatsha lwezemvelo olwe Environmental Management.

ICactus Rosea kumbe umayeqela yisihlala esilameva esitholakala kusukela eSengezane kusiyafika eGuyu njalo silameva athi ungawathintha akweqele akuhlabe kabuhlungu. Ameva la awakhupheki lula njalo esikhathini esinengi labo abahlatshwayo bacina bebangulwa ngodokotela.

Isihlahla lesi sihlasela inyamazana zendle lezifuyo, okwenze izakhamizi ezinengi zathutha kulumango. Kodwa abogatsha lweEnvironmental Management bacine bengenela babambisana lezakhamizi basilwisa saze satshabalala lesi isihlala.

Ukhansila kaWard 14 uMnu. Phineas Maphosa uthi bezithwele nzima izakhamizi ngalesisisihlahla.

Ngemva kokuba esetshabalele umayeqela, inhlanganiso ezimeleyo eyeAmalima yangena yancedisana lezakhamizi ukusungula isivande sokulima ngokuthelezela esidonsa amanzi kuTuli esibizwa ngokuthi yiSiphosethu.

UMsekeli kasikomitshi wesiqinti seGwanda uMnu. Thulani Moyo uthi lokhu kuyajabulisa.

UNkosazana Emma Ncube oyisakhamuzi seBandani uthi ukusungulwa kwalesisivande kuzabasiza ikakhulu ngalesisikhathi izulu lingani kuhle.

Esivandeni seSiphosethu kulinywe umumbu kanye lebutter nut njalo umgcinisihlalo walesisivande uMnu Freddy Masa uthi abagulayo abasekilinika yeSengezane bazathola ukudla okwakha umzimba okuvela kulesisivande.

UNkosazana Prisca Dube uthi bazathengisa ezinye izilimo benelise ukubhadalela abantwababo indleko zesikolo.

Loba nje izakhamizi bezilime kuhle, izilimo sezihlaselwa yimihogoyi yohlobo lwe fall army worm edla umumbu kanye le fruit fly ehlasela ibutter nut okungadala ukutshabalala kwesivuno, kutsho unobhala weSiphosethu UNkosazana Sibusisiwe Moyo.

UMnu. Vusumuzi Mlilo ingcwethi kwezokulima kuhlanganiso yeAmalima ukhuthaze izakhamizi ukuthi zenqabele ukumemetheka kwalesisibungu.

UNkosazana Sithembiso Ndlovu umgcinisihlalo weEMA eZansi yemaNdebeleni ukhuthaze abalimi beBandani ukuthi balondoloze lesisivande.

IEMA leAmalima ingakangeneli kuloludaba, izakhamizi bezilima eceleni kukaTuli obekudala ukugugudeka komhlabathi njalo zijabule zabamanzi ngeviki edluleyo lapho ziphiwa ngokusemthethweni isivande seSiphosethu kanye leseVusisizwe.

UAlbert Ncube Uyalandisa
please wait
Embed

No media source currently available

0:00 0:04:35 0:00

Facebook Forum

XS
SM
MD
LG