Charamba: Bazaxotsha Kuphela Abantu beChilonga Lanxa Abanye Bengafuni

Isikhulumeli sikaMongameli Emmerson Mnangagwa uMnu George Charamba uthi lanxa sokutheni uhulumende kasoze abuyele emuva kudaba lokuxotsha izakhamizi zeChilonga, eChiredzi, emizini yazo lapho afuna ukuhlalisa khona umlimi omhlophe ozalima utshani benkomo.

Inkantolo kamantshi eMasvingo imise okwesikhatshana ukuxotshwa kwabantu abedlula inkulungwane ezilitshumi lambili, 12,000, laba ngeviki edluleyo.

Eloba enkundleni yeZimLive izolo, uCharamba uthe abantu abaphikisa loluhlelo kabaluzwisisi kuhle.

Wengeze wathi uhulumende uzama ukuthuthukisa lindawo njalo uthe balutshwana kakhulu abazasuswa emizini yabo.

Eloba enkundleni efanayo umsekeli kaMongameli weMDC Alliance uMnu Tendai Biti usole uhulumende esithi wenza uchuku olumangalisayo ngokuxotsha abantu laba endaweni abayitshiyelwa ngokhokho babo.

Inengi liyamsola uhulumende phezu kwaloludaba. Ohlaziya ezombusazwe uMnu Effie Dlela Ncube uthi ngokuxotsha abantu laba, uhulumende uyaphambanisa kakhulu.

Embed share

Ingxoxo loMnu Effie Dlela Ncube

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:18 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala