amalinks wokungena

Breaking News

Charamba: Sibaqaphile Osomabhizimusi Abazakhweza Intengo Becatsha Ngodlame lwaseSouth Africa


Two elderly women shop for mealie meal and other basic commodities, March 14 2019, in the Mutoko rural area of Zimbabwe. Eastern Zimbabwe receives help to fight drought induced hunger.

Isikhulumeli sikaMongameli Emmerson Mnangagwa, uMnu George Charamba uthi uhulumende kasoze avumele osomabhizimusi bekhuphula intengo yezinto mahlayana becatsha ngodlakela olusanda kwenzeka kweleSouth Africa.

Eloba enkundleni yeTweitter ngoMvulo, uCharamba uthe sebesungule uphenyo phezu kwaloludaba ngemva kokulunywa indlebe.

Ingcwethi kwezenotho labosomabhizimusi bake baxwayisa kunsukwana ezedluleyo ukuthi udlame lwaseSouth Africa lolu lwaluzakuba lomthelela omubi eZimbabwe ngoba izinto ezinengi ezithengiswa kulelilizwe zithengwa kweleSouth Africa.

Ngaphandle kwalokho, intengo yezinto eZimbabwe ihlezi ikhuphuka njalo nje ngenxa yokugugudeka kwedola lakuleli.

Isiphathamandla senhlanganiso emela abathengi eyeNational Consumer Rights Association uMnu Effie Dlela Ncube utshele iStudio 7 ukuthi uhulumende usezama ukudanela kubosomabhizimusi ngoba esehluleka ukulungisisa umnotho.

please wait

No media source currently available

0:00 0:02:24 0:00

Facebook Forum

XS
SM
MD
LG