amalinks wokungena

Breaking News

Iqembu leChicken Inn Linqoba eleZonaco Emdlalweni Wobungane


Iqembu leChicken Inn linqobe eleZanaco elaseZambia nge 2 ka 1 emdlalweni wokuzwana amandla odlalelwe enkundleni yeLuveve koBulawayo ngoLwesihlanu.

Iqembu leZanaco yilo eliqale ukuhlohla ngehlandla lakuqala njalo olitshayele emambuleni nguCharles Zulu yena ohlohle ngemva kwemizuzu elitshumi lane.

Igole leli lize ngemva kokuba iqembu leChicken Inn lidlalise amathuba amahle amabili lapho abadlali balo uInnocent Mucheneka loObidiah Tarumbwa abehluleke khona ukuhlohla.

Iqembu lezethekeli liqale ukuzenzela santando ngemva kokuhlohla kodwa kuthe ngemva kwekhefu abafana beChicken Inn baphenduke bengasadlanga nkotshana bathola amagole amabili.

UClemence Matawu uhlohle sekudlalwe imizuzu engamatshumi ayisithupha kwathi uObriel Chirinda walitshayele emambuleni ngemva kwemizuzu engamatshumi ayisikhombisa lathobaminwe mbili.

Iqembu le Chicken Inn belisebenzisa lumdlalo ukulungiselela ukuqala kwemidlalo yeCastle Premier Soccer League lonyaka.

EleZanaco lona belilungiselela ukuphatheka kumncintiswano wokudinga intshantshu zezwekazi laseAfrica ngemva kokuba liphutshe imidlalo yeligi likuzinga lesibili kungalane yemiklomelo khonale kweleZambia.

please wait

No media source currently available

0:00 0:01:33 0:00

Facebook Forum

XS
SM
MD
LG