amalinks wokungena

Breaking News

Sebelungiselela Ukwethula Isinqumo Sokususwa Esikhundleni Kwenduna uFelix Nhlanhlayamangwe Ndiweni


Induna uFelix Nhlanhlayamangwe Ndiweni

Ikhansili ebona ngezamasiko lokubekwa kanye lokususwa kwezinduna eyeNational Chiefs Council, ikhangelelwe ukuthi izakwethula isinqumo sobuduna benduna uFelix Nhlanhlayamangwe Ndiweni kunsukwana ezilandelayo.

Induna uMtshana Khumalo, okukhansili le, utshele umsakazo weStudio 7 ukuthi benza konke lokhu belandela okufiswa ngumdeni wakoNdiweni njalo okusemthethweni.

Chief Mtshana Khumalo: Sokuzakwethulwa Isinqumo Sodaba Lwenduna uNdiweni
please wait

No media source currently available

0:00 0:02:42 0:00


Induna ezikunhlanganiso yeMatabeleland North Provincial Chiefs’ Assembly zisanda kuthatha isinqumo sokuthi ubuduna buka Ndiweni abukho emthethweni ngakho-ke kumele asuswe esikhundleni.

Kodwa abanye abomdeni wako Ndiweni bayakwala lokhu besithi ufelix Nhlanhlayamangwe Ndiweni wagcotshwa nguyise umuyi uKhayisa Ndiweni lobanje izibulo lakhe, uJoram Ndiweni, elokhu ephila.

UDouglas Ndiweni, icinathunjwana likaKhayisa Ndiweni, uthi uJoram Ndiweni nguye okumele abeyinduna hatshi umnewabo uFelix Nhlanhlayamangwe Ndiweni.

Asenelisanga ukukhuluma lenduna uFelix Nhlanhlayamangwe Ndiweni okubikwa ukuthi usephanyeke udaba lolu emthethwandaba.

Ingcwethi kwezamasiko, uMnu. Mqondobanzi Magonya uthi induna uFelix Nhlanhlayamangwe Ndiweni kayindawo.

Mqondobanzi Magonya: UFelix Nhlanhlayamangwe Ndiweni Kayindawo
please wait

No media source currently available

0:00 0:02:07 0:00


Facebook Forum

XS
SM
MD
LG