amalinks wokungena

Breaking News

'Zingesulwa Izijeziso Zenotho Ezafakelwa Abantu beZanu PF Kungaqhutshwa Ukhetho Olubalulekileyo'


UMnu. Chris Coons loMnu. Jeff Flake bakwele Melika labanye babo abakudale leSenate.

USenator Chris Coons wedale leSenate eleMelika uthi ilizwe leli lilakho ukuguqula umthetho weZimbabwe Democracy and Economic Recovery Act (ZIDERA) nxa ele Zimbabwe lingenza uhlelo olubalukileyo.

USenator Coons, okwele Zimbabwe labanye bakhe abane abagoqela uSenator Jeff Flake, uthi kukhona okutshengisa ukuthi uMongameli Emmerson Mnangagwa ufuna kube lenguquko eZimbabwe.

“UMongameli Donald Trump ulakho ukuthi esule izijeziso zenotho. UMongameli Emmerson Mnangagwa usehambe emazweni amanengi ehlangana lenkokheli. Iphephandaba leNew York Times lilobe okujabulisayo ngokumele kwenzakale kwele Zimbabwe lokudlelana lelizwe leMelika.

“Kumele sibambisane kuhambo lolu. Amazwe ethu alezisekelo zombuso ezibalulekileyo. Siyakwazi ukuthi kulendlela okumele amazwe ayilandele nxa eqhuba ukhetho. Lokhu kusendaweni ezinjenge SADC (Southern African Development Community), E.U. (European Union) lezinye. Indlela zokuqhuba ukhetho zikubeka sobala ukuthi kumele kwenziweni ukuze kube lokhetho olubalulekileyo njalo lokumele kulandele nxa sokwenziwe ukhetho. Lokhu kugoqela ukulandela imithetho yelizwe, ukuvuselela umnotho welizwe njalo lokuhlonipha ilungelo likazulu.”

Kodwa uthi kunengi okumele kwenzakale kungakaguqulwa umthetho weZIDERA owafakwa ngomnyaka ka2001.

“Asibuyanga lapha ukuzelitshela ukuthi kumele lenze njani. Siyakwamukela ukuthi lifuna ukuthi sibekuhambo olufanayo labantu beZimbabwe. Esikubonileyo lesikuzwileyo lapha kusinika ithemba lokuthi ikusasa ingabanhle kwele Zimbabwe nxa kungenziwa okufunakalayo.

“Abantu beZimbabwe bafunde okumangalisayo njalo balezemve ezinengi okumangalisayo eziloncedo. Singenza okungengi nxa singadonsa ndawonye.”

Ilizwe leMelika lamanye asempumalanga afakela ilizwe leZimbabwe izijeziso zenotho lisethesa owayengumongameli, uMnu. Robert Mugabe, labanye bakhe amacala okwephula ilungelo loluntu lokungaqhubi kahle ukhetho.

Ingxoxo Esiyenze LoMnu. Chris Coons
please wait

No media source currently available

0:00 0:01:33 0:00

Facebook Forum

XS
SM
MD
LG