amalinks wokungena

Breaking News

Clement Voule: Isimo eZimbabwe Siyingozi Kunhlalakahle Kazulu Ngoba Kulombuso Ofana Lowebutho


UN Special Rapporteur on Freedom of Assembly and Association - Clement Nyaletsossi Voule

Isikhonzi senhlanganiso yomanyano wamazwe womhlaba esibona ngezokulondolozwa kwelungelo loluntu, u-United Nations Special Rapporteur on Freedom of Assembly and Association Clement Voule, obesekwethekeleleni kweleZimbabwe, uthi isimo esiselizweni siyingozi enkulu ebantwini ngoba kulombuso ofana lowebutho.

Umnumzana Voule utsho lokhu emhlanganweni lentathelizindaba esegqiba uhambo lwakhe lokwethekelela eZimbabwe okwensuku ezilitshumi, echasisa akubonileyo kuphenyo lwakhe.

“Konke lokhu ngikuveze emihlanganweni eminengi engiyenze lohulumende kanye lokuthi inengi Labantu bahlalele evalweni ngoba nxa Bengasi malunga ebandla elithize kusobala ukuba ungelinye ibandla. Lesi simo sokungathembani kanye lokuswelakala kwamathuba wokukhulumisana ngokunye kokubangela ukuphazanyiswa kwamalungelo oluntu kwezokuba lilunga lenhlanganiso. Kumihlangano eminengi engithe ngayiqhuba ngikhulumisane labanye balabo abahlukunyezwa ngamapholisa ngendlela ezehlukeneyo ngoba bengamalunga amabandla ezombusazwe aphikisayo ”

Isikhonzi seUnited Nations uMnu. Clement Nyaletsossi Voule emhlanganweni lentathelizindaba
Isikhonzi seUnited Nations uMnu. Clement Nyaletsossi Voule emhlanganweni lentathelizindaba

Umbono ka Voule usekelwe ngomunye wabaphatheke kumikhankaso yokulwela ilungelo loluntu umnumzana Charles Nyoni.

“Liqiniso sibili umbiko osanda kukhitshwa ngu Special Rapporteur we freedom of assembly and association umnumzana Clement Voule othi khona khona i Zimbabwe nje ile toxic environment njalo i polarized njalo kugcwele amasotsha nje angathi yiwo abusayo. Iqiniso yikuba akula kuphikisa ngoba singakhangela ilanga elayizolo kutshone nje lapha eHarare kugijima ama flayimatshina awamasotsha kungaziwa nje ukuthi kuyini okwenzakalayo. Njalo ubu polarized bakhona buvela ekuthini eZimbabwe nxa ungayisiye webandla le MDC uvele ungowe Zanu nje akula okokuthi umuntu kasapoti any party. Ungaphikisana le MDC kuthiwa ungowe Zanu ungaphikisana lowe Zanu bakuthi ungowe MDC ”.

U Nyoni uthi kungalesi sizatho abantu bengamanyananga elizweni.

“Ilizwe lethu vele alila environment elungileyo, i environment yakhona politically i toxic njalo ilolunya olokuthi izobangela ukulimala kumbe ukulinyazwa kwabantu.

Yikho nje sibona abantu betshayana kumbe abantu bethunjwa nguhulumende kumbe abantu sebephonguhlatshwa ama jekiseni angaziwayo ukuthi kuyini okwenzakalayo.

Lokhu nje kusitshengisa egcejeni ukuthi ilizwe lethu alikhokhelwa yilabo esibathi ngesilungu ama civilians kodwa nje kukhanya ingani amasotsha yiwo adonsayo intambo ngamuva nje ”

Enye ingcwethi ecubungula ezombusazwe umnumzana Mlindelwa Mancitshana uthi kayimangalisi impumela yophenyo lukaVoule ngesimo sokulondolozwa kwelungelo loluntu.

“Inkulumo ye UN yiyo vele kade siyilindele ngamehlo abomvu, silindele ukuthi batsho into efana layonaleyi ukuthi hayi eZimbabwe lokhe kunjalo akula lutho olwehlukileyo, izinto lokhe zisonakala ngamandla zisiya phambili.

So lokhu bekumgceke, yinto kade isenzakala phambi komuntu, amazwe onke ebona njalo akula need yokuthi abadala batshone bekhuluma ukuthi eZimbabwe sesilungisile lokhu lalokhuyana.

Okukhangelwayo yithi abantu beZimbabwe ukuthi sithabile yini, hayi silokwesaba, inkokheli ilokwesaba yesaba abantu ebakhokheleyo.

So konke lokhu kuyatshengisa ukuthi abantu lokhe bephila ngaphansi kocuku, abantu lokhe behlangana lokuhlukunyezwa elizweni so siyabatshayela ihlombe abe UN ngokubeka sobala okuyikho okwenzakala elizweni leZimbabwe okwakhathesi ukubana amabutho yiwo aphethe umbuso, umbuso kumele ubuyele ebantwini ”.

UVoule utshele intathelizindaba ukuba uzakwethula impumela yophenyo lolu egcweleyo umhlangano womnyaka ozayo wenhlanganiso yakhe eyeUnited Nations. Ugqibe uhambo lwakhe ngokukhuthaza uhulumende ukuba azinikele ngokweneleyo ukulungisisa isizatho esenza abantu bangahlaliseki elizweni labo ikakhulu ukungazinzi kwesimo somnotho.

Abakhulumisane lalesi sithunywa bagoqela inkokheli yenhlanganiso zezisebenzi, abakumsebenzi wentuthuko yezigaba, abamabandla aphikisayo agoqela eleMDC elikhokhelwa ngumnumzana Nelson Chamisa kanye leziphathamandla zengatsha zikahulumende ezehlukeneyo.

please wait

No media source currently available

0:00 0:03:38 0:00

Facebook Forum

XS
SM
MD
LG