amalinks wokungena

Breaking News

Inhlanganiso yeCOMESA Yenza Umhlangano Okhuthaza Ukwenziwa Kwempahla Elohlonzi


Amabele avuthwa masinyane

Abenhlanganiso yezokuthengiselana kuzwekazi leAfrica eyeCommon Market for East and Southern Africa (COMESA) Business Council labe Zimbabwe National Chamber of Commerce (ZNCC) ngoLwesibili baqoqe umhlangano wezifundo zabamabhizimusi amancane laphakathi laphakathi kanye labalimi eHarare.

Umhlangano lo ubuhlose ukukhuthaza osomabhizimusi ukuthi balungise impahla elohlonzi yokuthengisa emazweni atshiyeneyo.

Inhlanganiso yeZNCC ithi bakubone kufanele ukwabelana ulwazi olunje yikho bekhethe abalamabhizimusi amancane laphakathi laphakathi ukuba befundiswe baphumelele ukuze bathuthukise umnotho welizwe.

UNkosikazi Nonkululeko Sibanda
UNkosikazi Nonkululeko Sibanda

UNkosikazi Nkululeko Sibanda, olima amabele abizwa ngokuthi ngamaSmall Grain lamakhowa aphinde afuye inkukhu, amadada, imvundla lenyosi uthi uyenelisa ukukwenza konke lokhu nxa ulendawo elamanzi angapheliyo.

Omunye njalo obesemhlanganweni lo uNkosikazi Sylivia Mutenda, ofuyayo lokulima okutshiyeneyo, uthi usefuna ukulandela indlela zakulez’insuku njalo engasebenzisi imithi elima ngendlela ye-organic eyiyo efunakalayo.

Ingcitshi zokulungiswa kokudla okungela ngozi kumpilakahle yabantu amaInternational Food Safety Experts abasebenzela iCOMESA abayibo abakhokhela izifundo lezi, bathi lumkambo usuqakathekisa ukudla okungela ngozi ngoba sebebona ukuqansa kwenani labantu ababanjwa yizifo ezifana labo mvukuzane kubangelwa yikudla okuyabe kulungiswe kubi.

COMESA
COMESA

AbeCOMESA bathi balohlelo lokukhuthaza osomabhizimusi ukuthi bafunde indlela ezinhle zokufuya, ukulima lokulungisa impahla lokudla okulohlonzi babe sebebadingela imikambo yokuthengisela, endaweni ezinjengama wotela amakhulu lezinye.

Bathi bakhathazwa ngabalima okwesiphangiphangi bekhangele inzunzo kuphela, okubenza basebenzise imithi eyingozi kumpilakahle yabadla lokho kudla.

Lumhlangano wezifundo ungenwe ngosomabhizimusi abancane laphakathi laphakathi, abedlula amatshumi amahlanu. Umkambo weCOMESA ubunjwa ngamazwe edlula angamatshumi amabili, kuzwekazi leAfrica elabantu abedlula izigidi ezingamatshumi amahlanu lengxenye - 560 million.

Udaba Esilethulelewe NguMark Peter Nthambe
please wait

No media source currently available

0:00 0:03:15 0:00

Facebook Forum

XS
SM
MD
LG