UMongameli Emmerson Mnangagwa usesemhlanganweni oweUnited Nations Climate Change Conference kumbe iCOP26 eGlasgow kwele Scotland lapho ahlangabezwe khona ngabakhokheli bebandla leZanu PF njalo labanye abatshengisela emigwaqwweni besola ukungena kwakhe umhlangano weCOP26.
UMongameli Emmerson Mnangagwa usesemhlanganweni oweUnited Nations Climate Change Conference kumbe iCOP26 eGlasgow kwele Scotland lapho ahlangabezwe khona ngabakhokheli bebandla leZanu PF njalo labanye abatshengisela emigwaqwweni besola ukungena kwakhe umhlangano weCOP26.
UMnu. Nick Mangwana, umabhalane omkhulu okuhlangothi lukahulumende olubona ngokwethulwa kwemibiko, uthi uMnangagwa, ofike elizweni leli izolo kusihlwa, wamukelwe ngenjabulo ngabalandeli bebandla leli labanye abathakazelela ibandla leZanu PF abadabuka eScotland.
Eloba enkundleni yokuxhumana eyeTwitter, uMangwana uthi uMnangagwa ukhangelelwe ukuba uzakwethula ugwalo olujulileyo oluveza okufiswa nguhulumende wakhe ekuphunguleni intuthu ekhudumeza umkhathi edala njalo ukungani ngemfanelo kwezulu, indlala lokunye.
Omunye wabalandeli bebandla leZanu PF, uNkosikazi Tafara Sibongile Moyo-Madzvamuse, okuhlangothi lwabesifazane kubandla leZANU PF eBhilithani, uthi bayakuthakazelela ukubuya kuka Mnangagwa eScotland lapho abamenzele khona idili elikhulu.
UMnu. Panyika Karimanzira, okunhlanganiso yeRestoration of Human Rights in Zimbabwe, elamalunga atshengisela phandle kwendawo okwenzelwa khona umhlangano oweCOP26, uthi kumele uMnangagwa abuyele ekhaya.
Lokhu kusekelwa nguMnu. Felix Magalela Mafa, umsekeli wesikhulumeli sebandla leMDC Alliance, ekhokhelwa nguMnu. Nelson Chamisa.
Eloba enkundleni yokuxhumana eyeTwitter, uMangwana uthi uMnangagwa ukhangelelwe ukuba uzakwethula ugwalo olujulileyo oluveza okufiswa nguhulumende wakhe ekuphunguleni intuthu ekhudumeza umkhathi edala njalo ukungani ngemfanelo kwezulu, indlala lokunye.
Omunye wabalandeli bebandla leZanu PF, uNkosikazi Tafara Sibongile Moyo-Madzvamuse, okuhlangothi lwabesifazane kubandla leZANU PF eBhilithani, uthi bayakuthakazelela ukubuya kuka Mnangagwa eScotland lapho abamenzele khona idili elikhulu.
UMnu. Panyika Karimanzira, okunhlanganiso yeRestoration of Human Rights in Zimbabwe, elamalunga atshengisela phandle kwendawo okwenzelwa khona umhlangano oweCOP26, uthi kumele uMnangagwa abuyele ekhaya.
Lokhu kusekelwa nguMnu. Felix Magalela Mafa, umsekeli wesikhulumeli sebandla leMDC Alliance, ekhokhelwa nguMnu. Nelson Chamisa.