amalinks wokungena

Breaking News

ICoronavirus Isithwalise Nzima Abadabuka eZimbabwe Abasebenza Kwamanye Amazwe


Pamela Nothando Bhulu (Photo: Nomina)

Banengi okumangalisayo abadabuka eZimbabwe abahlala kwamanye amazwe abathi sebephelelwe ngumsebenzi ngenxa yokumemetheka kwegcikwane leCoronavirus emhlabeni wonke jikelele.

Bayakhala abaculi labasebenza imisebenzi etshiyeneyo emazweni agoqela eleGermany, Italy, Canada, China, United States, Britain lamanye okumemetheka umkhuhlane lo osubulele abantu abedlula inkulungwane ezinhlanu emhlabeni wonke jikelele.

Bathi akusasebenzeki ngenxa yokuvalwa kwendawo okumele benze imicimbi yabo leminye imisebenzi. Omunye wabakhala kakhulu nguPamela Nothando Bhulu, ocula iAfrojazz, ekwele Germany.

UPamela Nothando Bhulu ngunculi weAfrojazz ohlala kwele Germany. (Photo: Nomina)
UPamela Nothando Bhulu ngunculi weAfrojazz ohlala kwele Germany. (Photo: Nomina)

Uthi uzalahlekelwa yimali enengi ngenxa yokungenzi imicimbi kazulu.

Banengi abafana loBhulu owaziwa kwezomculo ngokuthi nguNomina. UNomathamsanqa Nkwali Mkhwananzi, umculi ojayele ukwenza imcimbi yakhe kwele Italy, Germany, Czech Republic, Austria lamanye amazwe, uthi impilo izakubanzima kuye kanye lamalunga eqembu lakhe ngenxa yokuvinjwa kwemicimbi yakhe obekumele yenziwe lonyaka.

Amazwe amanengi kuzwekazi leEurope asevimbe imicimbi yonke, avala izikolo, amavinkili lezinye indawo okuhlangana khona abantu, esenzela ukuvimba ukumemetheka kwegcikwane leCoronavirus. Bethukile abadabuka kwele Zimbabwe abanjengo Mnu. Philani Mathanda.

Ucarmen Nelly Hwarari Mutengo ucula iAfrojazz njalo ufundisa umculo ezikolo lezinye indawo. (Courtesy Photo: Carmen)
Ucarmen Nelly Hwarari Mutengo ucula iAfrojazz njalo ufundisa umculo ezikolo lezinye indawo. (Courtesy Photo: Carmen)

UMathanda uthi akwaziwa ukuthi umkhuhlane lo uzaphela sokuthengi.

Kulabanye abanjengo Carmen Nelly Hwarari Mutengo abathi akukaxokozeli kangako kwele Mauritius asebenza ukucula lokufundisa abantu ukugida lokucula.

Kukhangelelwe ukuthi kuzavalwa okunengi okusetshenziswa nguzulu emazweni atshiyeneyo lapho osokusilela amaphepha okusebenzisa ezambuzini, ukudla lokunye okudliwa ngabantu nsukuzonke.

Bathwela Amagabha Avuzayo Abasebenza Emazweni Okuqhamuke iCoronavirus
please wait

No media source currently available

0:00 0:04:31 0:00


Facebook Forum

XS
SM
MD
LG