amalinks wokungena

Breaking News

Afrobarometer: Kugcwele Ukungathembeki Emazweni eAfrica


I-Afrobarometer ithi amapholisa amanengi athanda ukufumbathiswa nguzulu (AP Photo/Denis Farrell)
Inhlanganiso ebona ngezomnotho lobudlelwano bukazulu lohulumende eye Afrobarometer ithi abantu bemazweni awezwekazi le Africa edlula amatshumi amathathu – 34 baleqiniso lokuthi ohulumende babo kabenzi okweneleyo ukulwisana lobusela lokungathembeki, i-Corruption.

Inhlanganiso le eyethule umbiko ojulileyo ngoLwesithathu ngokwenzakala emazweni la aqoqela iZimbabwe, ithi amapholisa kawathenjwa nguzulu kulandela ukwenza kwengatsha ezitshiyeneyo zikahulumende.

Ithi amapholisa amanengi athanda ukufumbathiswa njengezinye izisebenzi zikahulumende okumele zincede uzulu zingabhadalwa mali.

Inhlanganiso ye Afrobarometer ithi inengi labantu abafumbathisa amapholisa lezinye izisebenzi zikahulumende yilabo abangabayanga.

Ithi abantu laba babhadala lakumadokotela ukuthi belatshwe, ekudingeni indawo yabantwana ezikolo lakwezomthethwandaba.

Iphinde yathi ukukhonona okutshengiswe yilabo abaxoxe labo ekuhubeni linhlolisiso emanzweni atshiyeneyo kutshengisa njalo ukuthi uzulu ucabangela ukuthi uncindezelwe.

Ithe amazwe anjenge Zimbabwe, Nigeria le Egypt akhanya ekhokhela emsebenzini yokungathembeki i-corruption.

Umnu. Bekezela Maduma ingcwethi yezombusazwe ezimele yodwa uvumelana lenhlolisiso le eyenziwe yi Afrobarometer.
XS
SM
MD
LG