amalinks wokungena

Breaking News

Umanisipala Wako Bulawayo Ufuna Ukukhuphula Imithelo nge300%


Umasipala wakoBulawayo uthi uzacela imvumo kuhulumende yokuthi akhweze imithelo yamanzi lezinye inhlelo ngesilinganiso sokungamakhulu amathathu ekhulwini - 300 percent.

Kodwa abenhlanganiso emela izakhamizi zakuleli dolobho, eyeBulawayo Progressive Residents Association (BUPRA) bathi kabavumelani lalokhu ngoba kuzathwalisa uzulu nzima.

“Abantu khathesi bathwele nzima nge-economy, so nxa sokuthiwa kusilela imali babuya bezoyifuna kuzakhamizi,” kutsho isikhulumi seBUPRA uMnu Khabo.

“Kudala sabacebisa ukuthi bavule amakhampani anjengeNgwebu ukuze bathole imali kodwa abakwenzi njalo sasesivumelene ukuthi kuzakhwezwa nge42% kuphela. I-300% lezyi asazi ukuthi ivela ngaphi.”

Isakhamuzi sakoBulawayo uMnu Nqgabutho Nxumalo yena uthi uzulu kasoze akwenelise lokhu ngoba evele ethwele nzima.

“Ngibona engani uzulu ukhamekile kakhulu, yebo kuyazwisiseka ukukhwela kwamanzi, ukhansili uthwala nzima nxa edinga imithi yokuthi amanzi afike kithi egezekile kodwa vele uzulu kenelisi okwamanje,” kutsho uMnu Nxumalo.

Amazwi kaNxumalo agcizelelwe ngesinye njalo isakhamuzi uMnu Zenzo Ndlovu.

“Indaba yokukhwela kwama-rates siyibona isihlukuluza kakhulu ngoba iholo labantu alihambelani lemholo. Inengi lizadubeka lihlale endaweni ezingalunganga abanye babuyele emakhaya,” kutsho uNdlovu.

please wait

No media source currently available

0:00 0:02:58 0:00
XS
SM
MD
LG